सफर में गर, साथ मन के मीत बा
जिन्दगी गति से भरल संगीत बा
याद आवत बा कहाँ पछिली कड़ी
अधूरा तोहरे कढ़ावल गीत बा
सबके आपन ख्याल आपन तर्क बा
लीखि से भटकल इहाँ के रीत बा
चेहरा-मोहरा बोली सब एके नियर
का बताई आजकल, के हीत बा
तोहके देखला के ललक सुनला के चाह
काहें हमके तोहसे अतना प्रीत बा?
पूरा-पूरा बा न जिनिगी के सवाद
मीठ बा कुछ खट बा कुछ कुछ तीत बा
प्रेम में होला कहाँ केहू के हार
हार गइले में त असली जीत बा
स्रोत :
- पुस्तक : फूटल किरिन हजार (पृष्ठ 150)
- रचनाकार : अशोक द्विवेदी
- प्रकाशन : पाती प्रकाशन, बलिया
- संस्करण : 2003
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
