रउरा सासन के ना बड़ुए जवाब भाईजी,
रउरा कुरूसी से झरेला गुलाब भाईजी
रउआ भोंभा लेके सगरे अंवज करीला,
हमरा मुंहवा प डलले बानीं जाब भाईजी
हमरा झोपड़ी में मटियो के तेल नइखे,
रउरा कोठिया में बरे मेहराव भाईजी
राउर छंवड़ा त पढ़ेला बेलाइत जाइ के
हमरा छंवड़ा के मिले ना किताब भाईजी
रउरा बुढ़िया के गलवा प क्रीम लागेला,
हमरा नयकी के जरि गइल ख्वाब भाईजी
रउरा कनखी प थाना अउर जेहल नाचेला,
हमरा मुअलो प होला ना हिसाब भाईजी
चाहे दंगा करवाईं, चाहे गोली चलवाईं,
'देसभक्तवा' के मिलल बा खिताब भाईजी
ई ह कइसन लोकसाही, लड़े जनता से सिपाही,
केहू मरे, केहू ढारेला सराब भाईजी
अब ना सहब अत्याचार, बनी हमरो सरकार,
नाहीं सहब अब राउर कवनो दाब भाईजी
चाहे हथकड़ी लगाईं, चाहे गोली से उड़ाईं,
हम त पढ़व अब ललकी किताब भाईजी।
raura sasan ke na baDue javab bhaiji,
raura kurusi se jharela gulab bhaiji
raua bhombha leke sagre anvaj karila,
hamra munhva pa Dalle banin jaab bhaiji
hamra jhopDi mein matiyo ke tel naikhe,
raura kothiya mein bare mehrav bhaiji
raur chhanvDa ta paDhela belait jai ke
hamra chhanvDa ke mile na kitab bhaiji
raura buDhiya ke galva pa kreem lagela,
hamra nayki ke jari gail khvaab bhaiji
raura kankhi pa thana aur jehal nachela,
hamra mualo pa hola na hisab bhaiji
chahe danga karvain, chahe goli chalvain,
desbhaktva ke milal ba khitab bhaiji
ii ha kaisan loksahi, laDe janta se sipahi,
kehu mare, kehu Dharela sarab bhaiji
ab na sahb atyachar, bani hamro sarkar,
nahin sahb ab raur kavno daab bhaiji
chahe hathkaDi lagain, chahe goli se uDain,
hum ta paDhav ab lalki kitab bhaiji.
raura sasan ke na baDue javab bhaiji,
raura kurusi se jharela gulab bhaiji
raua bhombha leke sagre anvaj karila,
hamra munhva pa Dalle banin jaab bhaiji
hamra jhopDi mein matiyo ke tel naikhe,
raura kothiya mein bare mehrav bhaiji
raur chhanvDa ta paDhela belait jai ke
hamra chhanvDa ke mile na kitab bhaiji
raura buDhiya ke galva pa kreem lagela,
hamra nayki ke jari gail khvaab bhaiji
raura kankhi pa thana aur jehal nachela,
hamra mualo pa hola na hisab bhaiji
chahe danga karvain, chahe goli chalvain,
desbhaktva ke milal ba khitab bhaiji
ii ha kaisan loksahi, laDe janta se sipahi,
kehu mare, kehu Dharela sarab bhaiji
ab na sahb atyachar, bani hamro sarkar,
nahin sahb ab raur kavno daab bhaiji
chahe hathkaDi lagain, chahe goli se uDain,
hum ta paDhav ab lalki kitab bhaiji.
स्रोत :
पुस्तक : हम कबीर के बानी (चयन : अरविन्द कुमार) (पृष्ठ 36)रचनाकार : विजेन्द्र अनिल
प्रकाशन : संरचना प्रकाशन, आरा
संस्करण : 2009
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
