घर अन्हरिया के सुरूज
ghar anhariya ke suruj
घर अन्हरिया के सुरूज बिनु जगमगाई ना कबो
जुगनुअन से, रात के करिखा पोछाई ना कबो
मन के कहना बा, कि तू अपना करम पे ध्यान दऽ
जग कहत बा, नीम के जाई तिताई ना कबो
ताँत के, तागा के, चाहे होखे रेशम तार के
जाल से, दरियाव के रस्ता बन्हाई ना कबो
लोग, जग में केतनो समरथवान हो जाई, मगर
रीन माई के, तऽ केहू से भराई ना कबो
साँच के हाथे, हमेशा झूठ के हारे के बा,
चान, सूखल झील में तऽ झिलमिलाइ ना कबो।
रार अमरित पर भइल अइसन कि लागत बाटे अब
साथे मिलजुल के समुन्दर फिर मथाई ना कबो
मन के मठिया पर किचाइन ना रुकी 'मिथिलेश' तऽ
केहू गोहरावत रहे, तोहके सुनाई ना कबो
स्रोत :
- पुस्तक : केकरा से माँगीं अँजोर (पृष्ठ 28)
- रचनाकार : मिथिलेश ‘गहमरी’
- प्रकाशन : सत्यांश उपक्रम (प्रा.) लिमिटेड, बलिया
- संस्करण : 2019
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
