अँगेजल जिन्दगानी के
angejal jindgani ke
अँगेजल जिन्दगानी के कबो आसान ना होला
करेला घात जे हमरा प ऊ अनजान ना होला
सुनीं सभकर मगर इहँवाँ कहानी के सुनी राउर
जमाना का भले हो जीभ बाकिर कान ना होला
बसे के मन जो होखे गाँव में सुधियन के आ जाईं
इहाँ कबहूँ हिया का दरदिया के टान ना होला
करी बिसवास के हमरा प हमरा लाख चहलो पर
गरीबी के कहत बा लोग सब ईमान ना होला
कबो भगवान हो जाला, कबो सैतान हो जाला
गजब के बात बा इन्सान ई इन्सान ना होला
स्रोत :
- पुस्तक : लर मोतिन के (पृष्ठ 17)
- रचनाकार : जगन्नाथ
- प्रकाशन : पुष्कर प्रकाशन, बक्सर
- संस्करण : 1977
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
