भींजि जाई गतरे-गतर आज धरती
चुई ओरियानी
हमरे सवाँग दूर देश,
जबून लागे पानी।
खूबे झकझोर के बरिसि देई बदरा
तनिको जोगाई नाहीं बहि जाई कजरा
सँभरी ना हमसे ई चुवही पलानी,...जबून लागे पानी!
छछनल धरती के अतमा जुड़ाई
बूने-बून निखरी सँवर सुघराई
हमरा प' बिजुरी देखाई मनमानी,...जबून लागे पानी!
सासुजी के जर बा, ससुर जी के बाई
खइला क महँगी महँग बा दवाई
जिनिगी अभाव के बा कलपत कहानी,...जबून लागे पानी!
मछरी के सुख बा कि उमड़ल ताल हो
हम त फिकिरिये में जागीं बेहाल हो
धुअँवाँ से अँड़सल बा छोटकी चुहानी,...जबून लागे पानी!
लुगवा बा तार तार फाटल किनारी
केकरा के दोस देईं केकरा के गारी
अँतरे अँउसि गइल, सगरो जवानी,...जबून लागे पानी
bhinji jai gatre gatar aaj dharti
chui oriyani
hamre savang door desh,
jabun lage pani.
khube jhakjhor ke barisi dei badra
taniko jogai nahin bahi jai kajra
sanbhari na hamse ii chuvhi palani,. . . jabun lage pani!
chhachhnal dharti ke atma juDai
bune boon nikhri sanvar sughrai
hamra pa bijuri dekhai manmani,. . . jabun lage pani!
sasuji ke jar ba, sasur ji ke bai
khaila ka mahngi mahang ba davai
jinigi abhav ke ba kalpat kahani,. . . jabun lage pani!
machhri ke sukh ba ki umDal taal ho
hum ta phikiriye mein jagin behal ho
dhuanvan se anDasal ba chhotki chuhani,. . . jabun lage pani!
lugva ba taar taar phatal kinari
kekra ke dos dein kekra ke gari
antare anusi gail, sagro javani,. . . jabun lage pani
bhinji jai gatre gatar aaj dharti
chui oriyani
hamre savang door desh,
jabun lage pani.
khube jhakjhor ke barisi dei badra
taniko jogai nahin bahi jai kajra
sanbhari na hamse ii chuvhi palani,. . . jabun lage pani!
chhachhnal dharti ke atma juDai
bune boon nikhri sanvar sughrai
hamra pa bijuri dekhai manmani,. . . jabun lage pani!
sasuji ke jar ba, sasur ji ke bai
khaila ka mahngi mahang ba davai
jinigi abhav ke ba kalpat kahani,. . . jabun lage pani!
machhri ke sukh ba ki umDal taal ho
hum ta phikiriye mein jagin behal ho
dhuanvan se anDasal ba chhotki chuhani,. . . jabun lage pani!
lugva ba taar taar phatal kinari
kekra ke dos dein kekra ke gari
antare anusi gail, sagro javani,. . . jabun lage pani
स्रोत :
पुस्तक : फूटल किरिन हजार (पृष्ठ 40)रचनाकार : अशोक द्विवेदी
प्रकाशन : पाती प्रकाशन, बलिया
संस्करण : 2003
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
