मेंहदी के हरियर पतिया
menhdi ke hariyar patiya
मेहदी के हरियर पतिया में हो,
बसे सजना के प्यार।
रचि-रचि रचेली हथेलिया हो,
रंग होखे चटकार॥...
सावन मास सुहावन लागे।
बहे पुरुवइया तऽ यौवन जागे॥
बड़ी नीक लागेला सेजरिया हो,
घर हो सजना हमार। मेंहदी...
सावन मास खिले मेहदी के रंगवां।
झुलुआ के पेंग भरी सखियन के संगवां॥
बड़ा नीक लागेला सवनवां हो,
रिम झिम पड़ेला फुहार॥ मेंहदी...
रिमझिम रिमझिम सावन बरसे।
सइयां बिना मोर मनवा तरसे॥
नीक नाहीं लागेला अंगनवा हो,
चले पुरुवा बेयार॥ मेंहदी...
रतिया के चाँद खिड़िकिया से झांके।
चन्दा के मुंहवा सजन जइसे लागे॥
बड़ा नीक लागेला अंजोरिया हो,
चाँद ऊगे टहकार॥ मेंहदी...
स्रोत :
- पुस्तक : गँउवा के माटी अनमोल (पृष्ठ 69)
- रचनाकार : रामबहादुर ‘अधीर पिण्डवी’
- प्रकाशन : अखिल भारतीय भोजपुरी समाज, गोमतीनगर, लखनऊ
- संस्करण : 2010
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
