सुतल पियास जगावे ना! (बरखा राग)
sutal piyas jagave na! (barkha raag)
होत फजिरहीं
बदरा घहरे
एको छिन ना बिलमे ठहरे रामा
अरे रामा, रहि रहि जिउ ललचावे
सुतल पियास जगावे ना!
भर पखवारा राह तकवलस
पुलुई धनवा के सुहुरवलस रामा
अरे रामा थपकि-थपकि दुलरावे
सँइचल नेह लुटावे ना!
कतना राह तका के आइल
निगिचा आके बा अकुताइल रामा
अरे रामा उमड़ि-घुमड़ि नहवावे
दे दे ताल नचावे ना!
हिया जुड़ाइल, मन अगराइल
दाबल साथ अउर सपनाइल रामा
अरे रामा, छूइ-छूइ गुदुरावे
मेघ-मल्हार सुनावे ना!
स्रोत :
- पुस्तक : फूटल किरिन हजार (पृष्ठ 39)
- रचनाकार : अशोक द्विवेदी
- प्रकाशन : पाती प्रकाशन, बलिया
- संस्करण : 2003
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
