चला खेतवा म धनवा लगावै चली,
यही मटिया म सोनवा उगावै चली,
भरि जइहैं तलवा तलइया म पानी,
खेतिया किसनिया पै आवै जवानी,
धानी चुनरी धरा का ओढ़ावै चली।
यही मटिया...
गँउआ अँजोर करै चन्दा तरइया,
अमवा की डारी पै बोले चिरइया,
फूल बगिया क अपने रखावै चली।
यही मटिया...
पाकि गवा जोंधरी बजरिया कै दनवा,
उड़ जइहैं टोट मारि-मारि के सुगनवा,
मार ढेलवा चिरइया उड़ावै चली।
यही मटिया...
केहू भूखा रहै न पियासा रहै,
हम पंचन क रोटी कै आसा रहै,
प्रीत कै गीत सबका सुनावै चली।
यही मटिया...
अपने सिमवा पे राखब सदा चौकसी,
फन जौ कुचला करब नाग कइसे डसी,
केहू सोवै न पावै जगावै चली।
यही मटिया...
जान जे केहु देहे बा वतन के बरे,
सीस ओहका झुकी फिर नमन के बरे,
प्रेम सद्भाव सबका सिखावै चली।
यही मटिया...
chala khetva ma dhanva lagavai chali,
yahi matiya ma sonva ugavai chali,
bhari jaihain talva talaiya ma pani,
khetiya kisaniya pai aavai javani,
dhani chunari dhara ka oDhavai chali.
yahi matiya. . .
ganua anjor karai chanda taraiya,
amva ki Dari pai bole chiraiya,
phool bagiya ka apne rakhavai chali.
yahi matiya. . .
paki gava jondhri bajariya kai danva,
uD jaihain tot mari mari ke suganva,
maar Dhelva chiraiya uDavai chali.
yahi matiya. . .
kehu bhukha rahai na piyasa rahai,
hum panchan ka roti kai aasa rahai,
preet kai geet sabka sunavai chali.
yahi matiya. . .
apne simva pe rakhab sada chaukasi,
phan jau kuchla karab naag kaise Dasi,
kehu sovai na pavai jagavai chali.
yahi matiya. . .
jaan je kehu dehe ba vatan ke bare,
sees ohka jhuki phir naman ke bare,
prem sadbhav sabka sikhavai chali.
yahi matiya. . .
chala khetva ma dhanva lagavai chali,
yahi matiya ma sonva ugavai chali,
bhari jaihain talva talaiya ma pani,
khetiya kisaniya pai aavai javani,
dhani chunari dhara ka oDhavai chali.
yahi matiya. . .
ganua anjor karai chanda taraiya,
amva ki Dari pai bole chiraiya,
phool bagiya ka apne rakhavai chali.
yahi matiya. . .
paki gava jondhri bajariya kai danva,
uD jaihain tot mari mari ke suganva,
maar Dhelva chiraiya uDavai chali.
yahi matiya. . .
kehu bhukha rahai na piyasa rahai,
hum panchan ka roti kai aasa rahai,
preet kai geet sabka sunavai chali.
yahi matiya. . .
apne simva pe rakhab sada chaukasi,
phan jau kuchla karab naag kaise Dasi,
kehu sovai na pavai jagavai chali.
yahi matiya. . .
jaan je kehu dehe ba vatan ke bare,
sees ohka jhuki phir naman ke bare,
prem sadbhav sabka sikhavai chali.
yahi matiya. . .
स्रोत :
पुस्तक : रस गागरी (पृष्ठ 25)रचनाकार : परवाना प्रतापगढ़ी
प्रकाशन : अभिव्यक्ति संगम, साहित्यिक संस्था, लालगंज प्रतापगढ़
संस्करण : 2013
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
