कबले सहब राजा जी के तूँ मनमानी
हल्ला बोलऽ चलके उनका राजमहल पर
जग होई उजियार, दिवाली होई घर-घर
इहे राज बा खुश हाखे के रउवा जानीं।
पढ़ले-लिखले कुछ ना होला, कहले ज्ञानी
बात लबेदा के सब माने, काँपे थर-थर
सतवंती के बात न माने बोलस टर-टर
जबले निकले तेल, बइठ के पेरीं घानी।
कुरसी-टेबुल खूब चलाई रउवो जा के
लोकतंत्र के बड़ा महातम बा जन-जन में
जनता ससुरी जाय भाँड़ में भूँजा फाँके
रउवा फेंकीं जूता-चप्पल बइठ सदन में
जीये के बा, असहीं, देखीं रो के, गा के
चाहे रउवा खुद के ढालीं एही चलन में।
स्रोत :
- पुस्तक : आपन गाँव भेंटाते नइखे (पृष्ठ 20)
- रचनाकार : कृष्णानन्द कृष्ण
- प्रकाशन : पुनः प्रकाशन, पटना
- संस्करण : 2012
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
