राति खसि रहल अछि पछाड़ खाय
दिनक पैरमे फटल छै बेमाय
खुशी बनल डर थरथरा रहल
आँखि बनल हाथ तीर तनने
संशय के दाग से लगल जाइछ
आगाँमे सहर धोआँ बुनने
बेबस लगय जेना घरजमाय
लहुक निसान पीठपर उठेने
घोंटि रहल दम अपन हाथे
एक अन्हार यात्रामे उतरल सब
मोसकिल जीयब-मरब साथे
बाढ़िमे भाँसल अनेरुआ गाय
सबहक कान्हपर लटकल सलीब
सिमसल हँसी कहवाघरमे
घृणाक कजरी भरल नदी बहय
चौखटिसँ होइत बीच घरमे
कंठ दलदलिमे सबहक धँसि जाय
स्रोत :
- पुस्तक : मेघ इन्द्रनील (पृष्ठ 23)
- रचनाकार : शान्ति सुमन
- प्रकाशन : अभिधा प्रकाशन
- संस्करण : 2005
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
