केकरे नांवे जमीन पटवारी
केकरे नांवे जमीन?
कागज कइसन कलमिया कइसन
कइसन घोड़ा लगमिया कइसन
कोरट कचहरी में केकर सवारी
कइसन नियाव के जीन?
केकर करनी आ केकर भरनी
केकर नाव केकर बैतरनी
केकरे जांगर से माटी फुलाइली
के खाए चाउर महीन?
जाड़ा, गरमी, बरखा न जनलीं
गोहूं ओसवलीं त भूसा बनलीं
काहें बरध सब खेतवा चरलें
हम भइलीं कउड़ी के तीन।
नालिस कइलीं दारोगवा आइल
बाबू के बंगला मुरगा कटाइल
मड़ई फूंक तमाशा देखलें
चमकवलें संगीन।
जेकर धुरिए में जिनगी सिराइल
ओकर नउआ कहवां बिलाइल
जे धरती से दूरे रहेला
कइसे करेला अधीन!
खून-पसीना नगरिया लूटल
लखि-लखि धीरज के बन्हवा टूटल
अब हम किसान-मजूरा मिलिके
हक लेइब चोरन से छीन।
kekre nanve jamin patvari
kekre nanve jamin?
kagaj kaisan kalamiya kaisan
kaisan ghoDa lagamiya kaisan
korat kachahri mein kekar savari
kaisan niyav ke jeen?
kekar karni aa kekar bharni
kekar naav kekar baitarni
kekre jangar se mati phulaili
ke khaye chaur mahin?
jaDa, garmi, barkha na janlin
gohun osavlin ta bhusa banlin
kahen baradh sab khetva charlen
hum bhailin kauDi ke teen.
nalis kailin darogva aail
babu ke bangla murga katail
maDii phoonk tamasha dekhlen
chamakavlen sangin.
jekar dhuriye mein jingi sirail
okar naua kahvan bilail
je dharti se dure rahela
kaise karela adhin!
khoon pasina nagariya lutal
lakhi lakhi dhiraj ke banhva tutal
ab hum kisan majura milike
hak leib choran se chheen.
kekre nanve jamin patvari
kekre nanve jamin?
kagaj kaisan kalamiya kaisan
kaisan ghoDa lagamiya kaisan
korat kachahri mein kekar savari
kaisan niyav ke jeen?
kekar karni aa kekar bharni
kekar naav kekar baitarni
kekre jangar se mati phulaili
ke khaye chaur mahin?
jaDa, garmi, barkha na janlin
gohun osavlin ta bhusa banlin
kahen baradh sab khetva charlen
hum bhailin kauDi ke teen.
nalis kailin darogva aail
babu ke bangla murga katail
maDii phoonk tamasha dekhlen
chamakavlen sangin.
jekar dhuriye mein jingi sirail
okar naua kahvan bilail
je dharti se dure rahela
kaise karela adhin!
khoon pasina nagariya lutal
lakhi lakhi dhiraj ke banhva tutal
ab hum kisan majura milike
hak leib choran se chheen.
स्रोत :
पुस्तक : गोरख पाण्डेय के भोजपुरी गीत (पृष्ठ 13)संपादक : जीतेन्द्र वर्मा रचनाकार : गोरख पाण्डेय
प्रकाशन : राष्ट्रीय पुस्तक न्यास
संस्करण : 2009
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
