केकर ह ई देस अउर के काटत बड़ुए चानी?
kekar ha ii des aur ke katat baDue chani?
विजेन्द्र अनिल
Vijendra Anil
केकर ह ई देस अउर के काटत बड़ुए चानी?
kekar ha ii des aur ke katat baDue chani?
Vijendra Anil
विजेन्द्र अनिल
और अधिकविजेन्द्र अनिल
केकर ह ई देस अउर के काटत बड़ुए चानी?
केकर जोतल, केकर बोअल
के काटेला खेत?
केकर माई पुआ पकावे
केकर चीकन पेट?
के मरि-मरि सोना उपजावे, के बनि जाला दानी?
ताजमहल केकर सिरजल ह
केकर ह ई ताज?
केकर ह ई माल खजाना?
करत आजु के राज?
पांकी-कांदों में के बइठल, के सेवे रजधानी?
केकरा खून-पसेना से
लउकत बड़ुए हरियाली?
के सीमा पर खून बहावे
केकरा मुँह पर लाली?
के अमरित के घड़ा बनावे, के पीयेला पानी?
केकर ह ई देस अउर के काटत बड़ुए चानी?
स्रोत :
- पुस्तक : विजेन्द्र अनिल के गीत (पृष्ठ 9)
- रचनाकार : विजेन्द्र अनिल
- प्रकाशन : संरचना प्रकाशन, आरा
- संस्करण : 1993
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
