Font by Mehr Nastaliq Web

किसान

पूरा देखिए

बेस्या बिटिया नील है

बेस्या बिटिया नील है; बन सावाँ पुत जान। वो आई सब घर भरै, दरब लुटावत आन॥
घाघ

भुइयां खेड़े हर ह्वै चार

भुइयां खेड़े हर ह्वै चार। घर होय गिहथिन गऊ दुधार॥ अरहर की दाल जड़हन का भात। गागल निबुआ औ घिउ-तात॥ खाँड दही जो घर में होय। बाँके नैन परोसै जोय॥ कहैं घाघ तब सबही झूठा। उहाँ छोड़ि इहँवै बैकूँठा॥
घाघ

खेती करै बनिज को धावे

खेती करै बनिज को धावे। ऐसा डूबै थाह न पावै॥
घाघ

घर की खुनुस औ जर की भूख

घर की खुनुस औ जर की भूख। छोट दमाद बराहे ऊख॥ पातर खेती भकुवा भाइ। घाघ कहैं दुख कहाँ समाय॥
घाघ

पूत न मानै आपन डाँट

पूत न मानै आपन डाँट। भाई लड़ै चहै नित बाँट॥ तिरिया कलही करकस होइ। नियरा बसल दुहुट सब कोई॥ मालिक नाहिन करै विचार। घाघ कहैं ई बिपति अपार॥
घाघ

परहथ बनिज संदेसे खेती

परहथ बनिज संदेसे खेती। बिन घर देखे ब्याहै बेटी॥ द्वार पराये गाड़ै थाती। ये चारों मिलि पीटैं छाती॥
घाघ

खेती पाती बीनती

खेती पाती बीनती, औ घोड़े की तंग। अपने हाथ सँवारिये, लाख लोग हों संग॥
घाघ

जेकर ऊँचा बैठना

जेकर ऊँचा बैठना, जेकर खेत निचान। ओकर बैरी का करै, जेकर मीत दिवान॥
घाघ

उत्तर चमकै बीजली

उत्तर चमकै बीजली, पूरब बहनो बाउ। घाघ कहैं भड्डर से, बरधा भीतर लाउ॥
घाघ

गया पेड़ जब बकुला बैठा

गया पेड़ जब बकुला बैठा। गया गेह जब मुड़िया पैठा॥ गया राज जहँ राजा लोभी। गया खेत जहँ जामी गोभी॥
घाघ

बीघा बायर होय

बीघा बायर होय बाँध जो होय बँधाये। भरा भुसौला होय बबुर जो होय बुवाये॥ बढ़ई बसे समीप बसूला बाढ़ घराये। पुरखिन होय सुजान बिया बोउनिहा बनाये॥ बरद बगौधा होय बरदिया चतुर सुहाये। बेटवा होय सपूत कहे बिन करै कराये॥
घाघ

उत्तम खेती जो हर गहा

उत्तम खेती जो हर गहा, मध्यम खेती जो संग रहा। जो पूछेसि हरवाहा कहाँ, बीज बूड़िगे तिनके तहाँ॥
घाघ

जौ गेहूँ बोवै पाँच पसेर

जौ गेहूँ बोवै पाँच पसेर। मटर के बीघा तीसै सेर॥ बोवै चना पसेरी तीन। तीन सेर बीघा जोन्हरी कीन॥ दो सेर मोथी अरहर मास। डेढ़ सेर बिगहा बीज कपास॥ पाँच पसेरी बिगहा धान। तीन पसेरी जड़हन मान॥ सवा सेर बीघा साँवाँ मान। तिल्ली सरसों अँजुरी जान॥ बरैं कोदो सेर बोआओ। डेढ़

घाघ

माघ क ऊखम जेठ का जाड़

माघ क ऊखम जेठ का जाड़। पहिलै बरखा भरिगा ताल॥ कहैं घाघ हम होब बियोगी। कुँआ के पानी धोइहैं धोबी॥
घाघ

छीछी भली जौ चना

छीछी भली जौ चना, छीछी भली कपास। जिनकी छीछी ऊखड़ी, उनकी छोड़ो आस॥
घाघ

दिन का बद्दर रात निबद्दर

दिन का बद्दर रात निबद्दर। बहै पुरवैया झब्बर-झब्बर॥ घाघ कहैं कुछ होनी होई। कुँवा के पानी धोबी धोई॥
घाघ

उत्तम खेती आप सेती

उत्तम खेती आप सेती, मध्यम खेती भाई सेती। निकृष्ट खेती नौकर सेती, बिगड़ गई तो बलाय सेती॥
घाघ

चढ़त जो बरसै चित्रा

चढ़त जो बरसै चित्रा, उतरत बरसै हस्त। कितनौ राजा डाँड़ ले, हारे नहीं गृहस्त॥
घाघ

खेती तो थोड़ी करे

खेती तो थोड़ी करे, मिहनत करे सिवाय। राम चहें वही मनुष को, टोट कभी न आय॥
घाघ

कदम-कदम पर बाजरा

कदम-कदम पर बाजरा, मेढ़क कुदौनी ज्वार। ऐसे बोवै जौ कोई, घर-घर भरै कोठार॥
घाघ

संबंधित विषय

join rekhta family!

You have exhausted your 5 free content pages. Register and enjoy UNLIMITED access to the whole universe of Urdu Poetry, Rare Books, Language Learning, Sufi Mysticism, and more.

LOG IN REGISTER
Hindvi
खोजिए
Get App
Notification
Rekhta Foundation

Devoted to the preservation & promotion of Urdu
Rekhta

Urdu poetry, urdu shayari, shayari in urdu, poetry in urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Rekhta Learning

The best way to learn Urdu online
Rekhta Books

Best of Urdu & Hindi Books
हिन्दवी डिक्शनरी

हिंदी क्षेत्र की भाषाओं-बोलियों का व्यापक शब्दकोश
बोलिए