diwsawsan ka samay

meghmay asman se utar rahi hai

wo sandhya sundri pari si

dhire dhire dhire

timiranchal mein chanchalta ka nahin kahin abhas,

madhur madhur hain donon uske adhar,—

kintu gambhir,—nahin hai unmen has wilas

hansta hai to kewal tara ek

guntha hua un ghunghrale kale balon se,

hirdai rajy ki rani ka wo karta hai abhishaek

alasta ki si lata

kintu komalta ki wo kali,

sakhi nirawta ke kandhe par Dale banh,

chhanh si ambar path se chali

nahin bajti uske hathon mein koi wina,

nahin hota koi anurag rag alap,

nupuron mein bhi run jhun run jhun run jhun nahin,

sirf ek awyakt shabd sa “chup chup chup

hai goonj raha sab kahin,—

wyommanDal mein—jagti tal mein—

soti shant sarowar par us amar kamlini dal mein—

saundarya garwita sarita ke ati wistrit waksh sthal mein—

dheer weer gambhir sikhar par himagiri atal achal mein—

uttal tarangaghat prlay ghan garjan jaldhi prabal mein—

kshaiti mein—jal mein—nabh mein—anil anal mein—

sirf ek awyakt shabd sa “chup chup chup”

hai goonj raha sab kahin, —

aur kya hai? kuch nahin

madira ki wo nadi bahati aati,

thake hue jiwon ko wo sasneh

pyala wo ek pilati,

sulati unhen ank par apne,

dikhlati phir wismriti ke wo kitne mithe sapne

arddhratri ki nishchalta mein ho jati wo leen,

kawi ka baDh jata anurag,

wirhakul kamniy kanth se

ap nikal paDta tab ek wihag

diwsawsan ka samay

meghmay asman se utar rahi hai

wo sandhya sundri pari si

dhire dhire dhire

timiranchal mein chanchalta ka nahin kahin abhas,

madhur madhur hain donon uske adhar,—

kintu gambhir,—nahin hai unmen has wilas

hansta hai to kewal tara ek

guntha hua un ghunghrale kale balon se,

hirdai rajy ki rani ka wo karta hai abhishaek

alasta ki si lata

kintu komalta ki wo kali,

sakhi nirawta ke kandhe par Dale banh,

chhanh si ambar path se chali

nahin bajti uske hathon mein koi wina,

nahin hota koi anurag rag alap,

nupuron mein bhi run jhun run jhun run jhun nahin,

sirf ek awyakt shabd sa “chup chup chup

hai goonj raha sab kahin,—

wyommanDal mein—jagti tal mein—

soti shant sarowar par us amar kamlini dal mein—

saundarya garwita sarita ke ati wistrit waksh sthal mein—

dheer weer gambhir sikhar par himagiri atal achal mein—

uttal tarangaghat prlay ghan garjan jaldhi prabal mein—

kshaiti mein—jal mein—nabh mein—anil anal mein—

sirf ek awyakt shabd sa “chup chup chup”

hai goonj raha sab kahin, —

aur kya hai? kuch nahin

madira ki wo nadi bahati aati,

thake hue jiwon ko wo sasneh

pyala wo ek pilati,

sulati unhen ank par apne,

dikhlati phir wismriti ke wo kitne mithe sapne

arddhratri ki nishchalta mein ho jati wo leen,

kawi ka baDh jata anurag,

wirhakul kamniy kanth se

ap nikal paDta tab ek wihag