बहुत खेला लेलहुँ
छुआ-छुअंत, चोरा-नुक्की, झिझिरकोना
कबड्डी-कबड्डी आकि टालि-गुल्ली
आब किछु दोसर खेल होइक भाय
कने पैघ सेहो भेलियैक ने आब
रूचि अछि साहित्यमे
कोषमे अछि मारिते रास आखर सभ
त' चलू आब खेलाइत छी आखरहिसँ
कविता, कथा, नाटक
आ एहि विधा सभक
घनेरो पात्र सभ त' छथिए ने
खेलयबाक लेल
सीता, शकुन्तला, अहिल्या
कुंती, द्रौपदी, यशोधरा
राम, बुद्ध, दुष्यंत, रावण, कर्ण
आयु बीति जायत
मुदा खेल चलिते रहत
सवाल ठाढ़ करब, प्रतिरोध करब
लांछन लगायब, कौचर्य करब
नव दृष्टिकोणक नाम पर
पुरखा सभक कीर्त्ति पर
छाउर फेकब
तहन ने बूझत लोक हमरा काबिल
सीता, शकुन्तला, द्रौपदी, अहिल्या
आकि यशोधराक दुख
नहि त' बूझि सकलखिन
हुनक माय-बाप, भाय-बन्धु
पति आकि सर-समाज
ओ दुख त' बूझि रहल छी
सैकड़ो साल बाद
हम-अहाँ सभ
सेहो चारिटा पोथी पढ़िक'
हमर इतिहास, इतिहासक पात्र
सभ छथि आइ मुजरिम घोषित
हमरा सभक अदालतिमे, आ
हम प्रगतिकामी लोक सभ
भेल छी जज
आ सुना रहल छी
अपन-अपन निर्णय
सेहो अपन सुविधाक अनुसारे
मुदा, भाइ...
इतिहास त' सभक लिखेतैक
एक ने एक दिन
हम चिंतित छी ई सोचिक'
हमर संतति जखन पूछत सवाल
एहि खेलबाड़क मादे
एहि प्रगतिक मादे
तखन...!
bahut khela lelahun
chhua chhuant, chora nukki, jhijhirkona
kabaDDi kabaDDi aaki tali gulli
aab kichhu dosar khel hoik bhaay
kane paigh seho bheliyaik ne aab
ruchi achhi sahityme
koshme achhi marite raas akhar sabh
ta chalu aab khelait chhi akharahisan
kavita, katha, naatk
aa ehi vidha sabhak
ghanero paatr sabh ta chhathiye ne
khelaybak lel
sita, shakuntala, ahilya
kunti, draupadi, yashodhra
raam, buddh, dushyant, ravan, karn
aayu biti jayat
muda khel chalite raht
saval thaaDh karab, pratirodh karab
lanchhan lagayab, kaucharya karab
nav drishtikonak naam par
purkha sabhak kirtti par
chhaur phekab
tahn ne bujhat lok hamra kabil
sita, shakuntala, draupadi, ahilya
aaki yashodhrak dukh
nahi ta bujhi sakalkhin
hunak maay baap, bhaay bandhu
pati aaki sar samaj
o dukh ta bujhi rahal chhi
saikDo saal baad
hum ahan sabh
seho charita pothi paDhik
hamar itihas, itihasak paatr
sabh chhathi aai mujrim ghoshit
hamra sabhak adalatime, aa
hum pragatikami lok sabh
bhel chhi jaj
aa suna rahal chhi
apan apan nirnay
seho apan suvidhak anusare
muda, bhai. . .
itihas ta sabhak likhetaik
ek ne ek din
hum chintit chhi ii sochik
hamar santati jakhan puchhat saval
ehi khelbaDak made
ehi pragtik made
takhan. . . !
bahut khela lelahun
chhua chhuant, chora nukki, jhijhirkona
kabaDDi kabaDDi aaki tali gulli
aab kichhu dosar khel hoik bhaay
kane paigh seho bheliyaik ne aab
ruchi achhi sahityme
koshme achhi marite raas akhar sabh
ta chalu aab khelait chhi akharahisan
kavita, katha, naatk
aa ehi vidha sabhak
ghanero paatr sabh ta chhathiye ne
khelaybak lel
sita, shakuntala, ahilya
kunti, draupadi, yashodhra
raam, buddh, dushyant, ravan, karn
aayu biti jayat
muda khel chalite raht
saval thaaDh karab, pratirodh karab
lanchhan lagayab, kaucharya karab
nav drishtikonak naam par
purkha sabhak kirtti par
chhaur phekab
tahn ne bujhat lok hamra kabil
sita, shakuntala, draupadi, ahilya
aaki yashodhrak dukh
nahi ta bujhi sakalkhin
hunak maay baap, bhaay bandhu
pati aaki sar samaj
o dukh ta bujhi rahal chhi
saikDo saal baad
hum ahan sabh
seho charita pothi paDhik
hamar itihas, itihasak paatr
sabh chhathi aai mujrim ghoshit
hamra sabhak adalatime, aa
hum pragatikami lok sabh
bhel chhi jaj
aa suna rahal chhi
apan apan nirnay
seho apan suvidhak anusare
muda, bhai. . .
itihas ta sabhak likhetaik
ek ne ek din
hum chintit chhi ii sochik
hamar santati jakhan puchhat saval
ehi khelbaDak made
ehi pragtik made
takhan. . . !
स्रोत :
पुस्तक : नो मेन्स लैण्ड पर ठाढ़ कवि (पृष्ठ 56)रचनाकार : आनन्द मोहन झा
प्रकाशन : नवारम्भ, मधुबनी/पटना
संस्करण : 2024
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
