हम सुन्न किये ठाढ़ एत्तऽ
साइत दिशांश लागि गेल
नहि
हमरा तँ बाटे नहि देखाइत अछि
एक कात संसद भवन
दोसर कात सचिवालयक ऊँचका फाटक
आ बीचमे ठाढ़ हम
सुनि रहल छी दुनूक गर्जना
आब तँ कान सेहो बहिरा गेल
मुदा दुनू कातक कटाओझ बढ़िये रहल
संसदक न्योंमे गरल ईंटा
एखनहु लाल अछि
मजूरक हड्डीसँ टघरल घामक संकेत दैत
संसदक भीतर चेहराक रंग
बदलैत रहल
हरेक पाँच धापपर
मुदा एक्के फकरा
आइयो बाँचल जाइये
संसदक भीतर कि बाहर
गीदड़क भूकब
आइयो छेकने जाइये कान हमर
जागलमे कि निन्नमे
सचिवालयक खोधली सभमे
दबाकऽ राखल गेल अछि
बकार हमर
मोकि देने अछि कंठ
टेबुलक निच्चासँ बढ़ल हाथ
लपलपाइत लेर चुअबैत जीह
चाटि लेबऽ चाहैत अछि
सभटा रुधिर हमर
हमरा घरक आगूक खत्ता
ओहिना बुझना जाइत अछि
जेना सचिवालयक बिहरि सभ
खत्तामे ढाबुस बेंग सभ
छोटका कीड़ा सभकेँ गीड़ि रहल
सचिवालयमे सेहो हमरा सभ पेड़ा रहलहुँ
संसदक ललका ईंटाक भीतर देखनाइ
आ कि ओकरा उखाड़ि
अपन पुरखाक जड़ब तकनाइ
अपराध मानल जा सकैछ
एकर विरुद्ध अछि बनल
एकटा सक्कत कानून
नहि... नहि...
एकाकार भऽ चुकल अछि
कतेको करेजक नाद एकर विरुद्ध
उठि चुकल अछि हमर हाथक संग
कतेको शोणितायल हाथ।
hum sunn kiye thaaDh ettऽ
sait dishansh lagi gel
nahi
hamra tan bate nahi dekhait achhi
ek kaat sansad bhavan
dosar kaat sachivalyak uunchaka phatak
aa bichme thaaDh hum
suni rahal chhi dunuk garjana
aab tan kaan seho bahira gel
muda dunu katak kataojh baDhiye rahal
sansdak nyonme garal iinta
ekhanahu laal achhi
majurak haDDisan taghral ghamak sanket dait
sansdak bhitar chehrak rang
badlait rahal
harek paanch dhappar
muda ekke phakra
aiyo banchal jaiye
sansdak bhitar ki bahar
gidDak bhukab
aiyo chhekne jaiye kaan hamar
jagalme ki ninnme
sachivalyak khodhli sabhme
dabakऽ rakhal gel achhi
bakar hamar
moki dene achhi kanth
tebulak nichchasan baDhal haath
lapalpait ler chuabait jeeh
chati lebऽ chahait achhi
sabhta rudhir hamar
hamra gharak aguk khatta
ohina bujhna jait achhi
jena sachivalyak bihari sabh
khattame Dhabus beng sabh
chhotka kiDa sabhken giDi rahal
sachivalayme seho hamra sabh peDa rahalahun
sansdak lalka iintak bhitar dekhnai
aa ki okra ukhaDi
apan purkhak jaDab taknai
apradh manal ja sakaichh
ekar viruddh achhi banal
ekta sakkat kanun
nahi. . . nahi. . .
ekakar bhaऽ chukal achhi
kateko karejak naad ekar viruddh
uthi chukal achhi hamar hathak sang
kateko shonitayal haath.
hum sunn kiye thaaDh ettऽ
sait dishansh lagi gel
nahi
hamra tan bate nahi dekhait achhi
ek kaat sansad bhavan
dosar kaat sachivalyak uunchaka phatak
aa bichme thaaDh hum
suni rahal chhi dunuk garjana
aab tan kaan seho bahira gel
muda dunu katak kataojh baDhiye rahal
sansdak nyonme garal iinta
ekhanahu laal achhi
majurak haDDisan taghral ghamak sanket dait
sansdak bhitar chehrak rang
badlait rahal
harek paanch dhappar
muda ekke phakra
aiyo banchal jaiye
sansdak bhitar ki bahar
gidDak bhukab
aiyo chhekne jaiye kaan hamar
jagalme ki ninnme
sachivalyak khodhli sabhme
dabakऽ rakhal gel achhi
bakar hamar
moki dene achhi kanth
tebulak nichchasan baDhal haath
lapalpait ler chuabait jeeh
chati lebऽ chahait achhi
sabhta rudhir hamar
hamra gharak aguk khatta
ohina bujhna jait achhi
jena sachivalyak bihari sabh
khattame Dhabus beng sabh
chhotka kiDa sabhken giDi rahal
sachivalayme seho hamra sabh peDa rahalahun
sansdak lalka iintak bhitar dekhnai
aa ki okra ukhaDi
apan purkhak jaDab taknai
apradh manal ja sakaichh
ekar viruddh achhi banal
ekta sakkat kanun
nahi. . . nahi. . .
ekakar bhaऽ chukal achhi
kateko karejak naad ekar viruddh
uthi chukal achhi hamar hathak sang
kateko shonitayal haath.
स्रोत :
पुस्तक : एखन धरि (पृष्ठ 55)रचनाकार : अंशुमान सत्यकेतु
प्रकाशन : नवारम्भ
संस्करण : 2018
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
