वर्षा-ऋतु आयल पुनि नाचि उठल मन-मयूर।
काजर-सन कारी रसवन्ती उड़ि गेल तूर।
फेर हमर आँगनमे फुलि गेल नवकदम्ब।
लतरि गेल चारू दिस श्यामलता निरवलम्ब।
बिजुरी केर फूल खने हँसय, खने मुरझि जाय।
कजरी-वन चरय धास लाख-लख नील गाय।
धूरी पर झूमि रहल धरती केर धूर-धूर।
वर्षा-ऋतु आयल पुनि, नाचि उठल मन-मयूर।
परदेसी रोपि गेल छल जे कलमी रसाल।
अपरुव फल ओहिमे बहार भेल बेमिसाल।
आबामे ग्रीष्मक जे जरल मुइल छल किसान,
चलल मगन खेत बाउग करै ले मकइ, धान।
भावुक बनि प्राण राजहंस जकाँ उड़य दूर।
वर्षा-ऋतु आयल पुनि, नाचि उठल मन-मयूर।
थिरकि-थिरकि उठल पयर तालपर उमंग अंग।
गरजि रहल सधन गगन-बीच उच्च धन-मृदंग।
पावस-महीप केर बाजि गेल वज्र-शंख।
वियज-केतु फहरि उठल जनु असंख्य मोर-पंख।
बून-बान-झड़ी लगा देल सजल जलद-शूर।
वर्षा-ऋतु आयल पुनि, नाचि उठल मन-मयूर।
आइ हमर प्रेरणाक स्रोत चलल मुक्त छन्द।
रहल जे विराग-व्यथा-तापमे विदग्ध बन्द।
जानि ने निहारि कोन रूपसी घटा-मुखी।
हर्षसँ विभोर रक्त, रोम-रोम हमर सुखी।
चेतनाक दीप जरय लागि गेल बनि कपूर।
वर्षा-ऋतु आयल पुनि, नाचि उठल मन-मयूर।
खोलि देल पूरबी समीर गीत-प्रीत-द्वार।
कंठ-कंठमे तरंग, तान, राग, सुर, मलार।
पाहुन घन आबि गेल छोड़ि सिन्धु-गृह-प्रवास।
अंतरिक्ष-आननपर इन्द्रधनुष-सौम्य हास।
मानिनी धराक पानि पानि भऽ चलल गरूर।
वर्षा-ऋतु आयल पुनि, नाचि उठल मन-मयूर।
कल्पनाक आँजुरि-भरि फूलक लऽ अर्ध-सार
विजन बाटमे बँटैत मातल-छवि कवि-कुमार।
निर्झरिणी, नदी चलल उढ़रि नवल वयस घोर।
अचलोकेँ चंचल कऽ देल घन-निनाद घोर।
कज्जल गिरिपर उपजल तरुवर कि कृष्णचूड़?
वर्षा-ऋतु आयल पुनि, नाचि उठल मन-मयूर।
varsha ritu aayal puni nachi uthal man mayur.
kajar san kari rasvanti uDi gel toor.
pher hamar anganame phuli gel navakdamb.
latari gel charu dis shyamalta niravlamb.
bijuri ker phool khane hansay, khane murajhi jaay.
kajri van charay dhaas laakh lakh neel gaay.
dhuri par jhumi rahal dharti ker dhoor dhoor.
varsha ritu aayal puni, nachi uthal man mayur.
pardesi ropi gel chhal je kalmi rasal.
apruv phal ohime bahar bhel bemisal.
abame grishmak je jaral muil chhal kisan,
chalal magan khet baug karai le makai, dhaan.
bhavuk bani praan rajhans jakan uDay door.
varsha ritu aayal puni, nachi uthal man mayur.
thiraki thiraki uthal payar talpar umang ang.
garaji rahal sadhan gagan beech uchch dhan mridang.
pavas mahip ker baji gel vajr shankh.
viyaj ketu phahari uthal janu asankhya mor pankh.
boon baan jhaDi laga del sajal jalad shoor.
varsha ritu aayal puni, nachi uthal man mayur.
aai hamar prernak srot chalal mukt chhand.
rahal je virag vyatha tapme vidagdh band.
jani ne nihari kon rupasi ghata mukhi.
harshasan vibhor rakt, rom rom hamar sukhi.
chetnak deep jaray lagi gel bani kapur.
varsha ritu aayal puni, nachi uthal man mayur.
kholi del purabi samir geet preet dvaar.
kanth kanthme tarang, taan, raag, sur, malar.
pahun ghan aabi gel chhoDi sindhu grih pravas.
antriksh ananpar indradhnush saumya haas.
manini dharak pani pani bhaऽ chalal garur.
varsha ritu aayal puni, nachi uthal man mayur.
kalpnak anjuri bhari phulak laऽ ardh saar
vijan batme bantait matal chhavi kavi kumar.
nirjharini, nadi chalal uDhari naval vayas ghor.
achloken chanchal kaऽ del ghan ninad ghor.
kajjal giripar upjal taruvar ki krishnchuD?
varsha ritu aayal puni, nachi uthal man mayur.
varsha ritu aayal puni nachi uthal man mayur.
kajar san kari rasvanti uDi gel toor.
pher hamar anganame phuli gel navakdamb.
latari gel charu dis shyamalta niravlamb.
bijuri ker phool khane hansay, khane murajhi jaay.
kajri van charay dhaas laakh lakh neel gaay.
dhuri par jhumi rahal dharti ker dhoor dhoor.
varsha ritu aayal puni, nachi uthal man mayur.
pardesi ropi gel chhal je kalmi rasal.
apruv phal ohime bahar bhel bemisal.
abame grishmak je jaral muil chhal kisan,
chalal magan khet baug karai le makai, dhaan.
bhavuk bani praan rajhans jakan uDay door.
varsha ritu aayal puni, nachi uthal man mayur.
thiraki thiraki uthal payar talpar umang ang.
garaji rahal sadhan gagan beech uchch dhan mridang.
pavas mahip ker baji gel vajr shankh.
viyaj ketu phahari uthal janu asankhya mor pankh.
boon baan jhaDi laga del sajal jalad shoor.
varsha ritu aayal puni, nachi uthal man mayur.
aai hamar prernak srot chalal mukt chhand.
rahal je virag vyatha tapme vidagdh band.
jani ne nihari kon rupasi ghata mukhi.
harshasan vibhor rakt, rom rom hamar sukhi.
chetnak deep jaray lagi gel bani kapur.
varsha ritu aayal puni, nachi uthal man mayur.
kholi del purabi samir geet preet dvaar.
kanth kanthme tarang, taan, raag, sur, malar.
pahun ghan aabi gel chhoDi sindhu grih pravas.
antriksh ananpar indradhnush saumya haas.
manini dharak pani pani bhaऽ chalal garur.
varsha ritu aayal puni, nachi uthal man mayur.
kalpnak anjuri bhari phulak laऽ ardh saar
vijan batme bantait matal chhavi kavi kumar.
nirjharini, nadi chalal uDhari naval vayas ghor.
achloken chanchal kaऽ del ghan ninad ghor.
kajjal giripar upjal taruvar ki krishnchuD?
varsha ritu aayal puni, nachi uthal man mayur.
स्रोत :
पुस्तक : सूर्यमुखी (पृष्ठ 15)रचनाकार : आरसी प्रसाद सिंह
प्रकाशन : मैथिली अकादमी, पटना
संस्करण : 2011
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
