उमड़ल नदी के धार बा, हम का गजल कहीं
मुर्छित भइल बाहार बा, हम का गजल कहीं
पँखुरी गुलाबऽ के कहीं, की ठोर हम कहीं
असमन कमल ऊ तार बा, हम का गजल कहीं
बा फूल अंगऽ अंगऽ त, मुखड़ा बा चाँद जइसन
कजरा बनल अब कटार बा, हम का गजल कहीं
तुलसी, कबीर, जायसी, आ कालिदास के
एक-जुट भइल श्रृंगार बा, हम का गजल कहीं
अँगना में चाँदो आके, ऊदासी लूटा गइल
भगिये भइल ऊलार बा, हम का गजल कहीं
'जौहर' जी उनका बात के, का फुलझड़ी कहीं
सावन के रस फूहार बा, हम का गजल कहीं
स्रोत :
- पुस्तक : रंगमहल (पृष्ठ 148)
- रचनाकार : जौहर शफियाबादी
- प्रकाशन : शिवालिक प्रकाशन, दिल्ली
- संस्करण : 2019
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
