नागिन गय, नाँच! नाँच, नाँच!!
मन-बीनक तालपर,
फणकेँ विकराल कर,
अनुपम विष-व्यथा-कथा बाँच!
जेँ गुलाब
एक फूल दऽकऽ दस-बीस काँट दैए
मिलनक आकांक्षा
विरहक असह्य दंश सहैए
पजरऽ दे वासनाक आँच!
युगक अन्तरालपर,
नितरायल कालपर,
नागिन गय, नाँच! नाँच, नाँच!!
पुरिबा पी—
पछबा पी, पी ले उतरंग बसातो गय!
वाम चल, दहिन चल,
स्वर-पथक मध्य चल, चल कातो गय
जागऽ दे साधनाक साँच!
बाधामय ज्वालपर
दुष्टताक भालपर
नागिन गय, नाँच! नाँच, नाँच!!
नाङरिपर ठाढ़ भऽ
देह-वृत्तकेँ लचका नाच गय!
नाचि रहल छौ—
रवि, शशि आ धरा नाँच-नाँच, नाँच गय!
वातावरणक शुचिता जाँच!
कामनाक जालपर
भावनाक ढालपर
नागिन गय, नाँच! नाँच, नाँच!!
nagin gay, naanch! naanch, naanch!!
man binak talpar,
phanken vikral kar,
anupam vish vyatha katha baanch!
jen gulab
ek phool daऽkaऽ das bees kaant daiye
milnak akanksha
virhak asahya dansh sahaiye
pajarऽ de vasnak anch!
yugak antralpar,
nitrayal kalpar,
nagin gay, naanch! naanch, naanch!!
puriba pee—
pachhba pi, pi le utrang basato gay!
vaam chal, dahin chal,
svar pathak madhya chal, chal kato gay
jaagऽ de sadhnak saanch!
badhamay jvalpar
dushttak bhalpar
nagin gay, naanch! naanch, naanch!!
nangaripar thaaDh bhaऽ
deh vrittken lachka naach gay!
nachi rahal chhau—
ravi, shashi aa dhara naanch naanch, naanch gay!
vatavarnak shuchita jaanch!
kamnak jalpar
bhavnak Dhalpar
nagin gay, naanch! naanch, naanch!!
nagin gay, naanch! naanch, naanch!!
man binak talpar,
phanken vikral kar,
anupam vish vyatha katha baanch!
jen gulab
ek phool daऽkaऽ das bees kaant daiye
milnak akanksha
virhak asahya dansh sahaiye
pajarऽ de vasnak anch!
yugak antralpar,
nitrayal kalpar,
nagin gay, naanch! naanch, naanch!!
puriba pee—
pachhba pi, pi le utrang basato gay!
vaam chal, dahin chal,
svar pathak madhya chal, chal kato gay
jaagऽ de sadhnak saanch!
badhamay jvalpar
dushttak bhalpar
nagin gay, naanch! naanch, naanch!!
nangaripar thaaDh bhaऽ
deh vrittken lachka naach gay!
nachi rahal chhau—
ravi, shashi aa dhara naanch naanch, naanch gay!
vatavarnak shuchita jaanch!
kamnak jalpar
bhavnak Dhalpar
nagin gay, naanch! naanch, naanch!!
स्रोत :
पुस्तक : हम भेटब (मैथिली गीत-नवगीत संग्रह) (पृष्ठ 48)रचनाकार : मार्कण्डेय प्रवासी
प्रकाशन : जखन-तखन, दरभंगा
संस्करण : 2004
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
