सूतल बाड़ऽ कि जागल ए मन
उठऽ ना भइल भिनुसार
फाटल पह तनी लाल भइल नभ
सुरुज के बरल लिलार!
चुटुकी में आवे भर सुखवा के खातिर
डग-डग फिरलीं बाजार
जहाँ जहाँ गइनी मिलल सब दुखिये
कपड़ो में लागे उघार
थाकल मादल नीनि से मातल
जियते मुवल लाचार!
सूतल बाड़ऽ कि जागल ए मन...
जिनिगी के साँझि सँभारत बुढ़िया
सथल धरत रहे पाँव
देहिया झुलल बाकि अँखिया बोलत रहे
'जिनिगी ह जियला क नाँव
फाटल कुरुता जोगवलऽ ए बाबू
अतमा के दिहलऽ उधार!'
सूतल बाड़ऽ कि जागल ए मन...
घुप अन्हियरिया जिनिगिया के दियरी—
तेलवा बा कम, बड़ राति
चिन्ता-फिकिरिया में, बैरिन निनियाँ
आवेले होते पराति
अमरित छिरिके ना, लवटल किरिनियाँ
जोति से होखे ना सिंगार!
सूतल बाड़ऽ कि जागल ए मन...
हम त बन्हाइल बानी सुरुजदेव
रतिया क' केसिया के फाँस
चारु ओरि ओरमल भुवर कुहेसवा में
धुअँवाँ रुकल मोर साँस
तोहरी किरिनिया के लेसते पराइ जाई
भितरो-जमलका अन्हार!
सूतल बाड़ ऽ कि जागल ए मन...
sutal baaDऽ ki jagal e man
uthऽ na bhail bhinusar
phatal pah tani laal bhail nabh
suruj ke baral lilar!
chutuki mein aave bhar sukhva ke khatir
Dag Dag phirlin bajar
jahan jahan gaini milal sab dukhiye
kapDo mein lage ughaar
thakal madal nini se matal
jiyte muval lachar!
sutal baaDऽ ki jagal e man. . .
jinigi ke sanjhi sanbharat buDhiya
sathal dharat rahe paanv
dehiya jhulal baki ankhiya bolat rahe
jinigi ha jiyla ka naanv
phatal kuruta jogvalऽ e babu
atma ke dihalऽ udhaar!
sutal baaDऽ ki jagal e man. . .
ghup anhiyariya jinigiya ke diyri—
telva ba kam, baD rati
chinta phikiriya mein, bairin niniyan
avele hote parati
amrit chhirike na, lavtal kiriniyan
joti se hokhe na singar!
sutal baaDऽ ki jagal e man. . .
hum ta banhail bani surujdev
ratiya ka kesiya ke phaans
charu ori ormal bhuvar kuhesva men
dhuanvan rukal mor saans
tohri kiriniya ke leste parai jai
bhitro jamalka anhar!
sutal baaD ऽ ki jagal e man. . .
sutal baaDऽ ki jagal e man
uthऽ na bhail bhinusar
phatal pah tani laal bhail nabh
suruj ke baral lilar!
chutuki mein aave bhar sukhva ke khatir
Dag Dag phirlin bajar
jahan jahan gaini milal sab dukhiye
kapDo mein lage ughaar
thakal madal nini se matal
jiyte muval lachar!
sutal baaDऽ ki jagal e man. . .
jinigi ke sanjhi sanbharat buDhiya
sathal dharat rahe paanv
dehiya jhulal baki ankhiya bolat rahe
jinigi ha jiyla ka naanv
phatal kuruta jogvalऽ e babu
atma ke dihalऽ udhaar!
sutal baaDऽ ki jagal e man. . .
ghup anhiyariya jinigiya ke diyri—
telva ba kam, baD rati
chinta phikiriya mein, bairin niniyan
avele hote parati
amrit chhirike na, lavtal kiriniyan
joti se hokhe na singar!
sutal baaDऽ ki jagal e man. . .
hum ta banhail bani surujdev
ratiya ka kesiya ke phaans
charu ori ormal bhuvar kuhesva men
dhuanvan rukal mor saans
tohri kiriniya ke leste parai jai
bhitro jamalka anhar!
sutal baaD ऽ ki jagal e man. . .
स्रोत :
पुस्तक : फूटल किरिन हजार (पृष्ठ 29)रचनाकार : अशोक द्विवेदी
प्रकाशन : पाती प्रकाशन, बलिया
संस्करण : 2003
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
