माया मोह में भुलइली योग जप कुछऊ ना कइली।
धइली अपने सिर पर पाप कै गठरिया सजनी॥
बालपन सब खेल में बीतल युवती संग जवानी
गजर बजर में सब दिन बीतल अब आइल लटकानी।
हानी भइलीं बीतल धोखे में उमरिया सजनी॥
दान में कबों न हाथ बँटवली ना कइली शुभ काम
गर्व में सब दिन भूल के संचत रहली धन औ धाम।
राम कवने गुन पर लेइहैं मोर खबरिया सजनी॥
साधुन संग अनुराग न कइली रहली बनल अकेला।
कोई के कुछ भी ना जनली स्वयं गुरु अरु चेला।
खेला अजब तरह कै माया कै नगरिया सजनी॥
रात दिन यह सोचैं पुजारी, करनी बुरी हमारी।
अन्त समय कोई काम न अइहैं सुत कुटुम्ब अरु नारी।
भारी 'बावला' के दिल में रहै फिकिरिया सजनी॥
maya moh mein bhulaili yog jap kuchhuu na kaili.
dhaili apne sir par paap kai gathariya sajni॥
balapan sab khel mein bital yuvati sang javani
gajar bajar mein sab din bital ab aail latkani.
hani bhailin bital dhokhe mein umariya sajni॥
daan mein kabon na haath bantavali na kaili shubh kaam
garv mein sab din bhool ke sanchat rahli dhan au dhaam.
raam kavne gun par leihain mor khabriya sajni॥
sadhun sang anurag na kaili rahli banal akela.
koi ke kuch bhi na janli svayan guru aru chela.
khela ajab tarah kai maya kai nagariya sajni॥
raat din ye sochain pujari, karni buri hamari.
ant samay koi kaam na aihain sut kutumb aru nari.
bhari bavala ke dil mein rahai phikiriya sajni॥
maya moh mein bhulaili yog jap kuchhuu na kaili.
dhaili apne sir par paap kai gathariya sajni॥
balapan sab khel mein bital yuvati sang javani
gajar bajar mein sab din bital ab aail latkani.
hani bhailin bital dhokhe mein umariya sajni॥
daan mein kabon na haath bantavali na kaili shubh kaam
garv mein sab din bhool ke sanchat rahli dhan au dhaam.
raam kavne gun par leihain mor khabriya sajni॥
sadhun sang anurag na kaili rahli banal akela.
koi ke kuch bhi na janli svayan guru aru chela.
khela ajab tarah kai maya kai nagariya sajni॥
raat din ye sochain pujari, karni buri hamari.
ant samay koi kaam na aihain sut kutumb aru nari.
bhari bavala ke dil mein rahai phikiriya sajni॥
स्रोत :
पुस्तक : गीत मंजरी संपादक : हरिराम द्विवेदी, जयशंकर प्रसाद द्विवेदी रचनाकार : रामजियावान दास ‘बावला’
प्रकाशन : सर्व भाषा ट्रस्ट, नई दिल्ली
संस्करण : 2021
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
