लोही लागल आसमान में लोग चिहाइल
लागत बाटे अब दुरदिन के बदरी भागी
अबतक रहे अभागा ओकर किस्मत जागी
देख उजाला लोगिन के बा आखें मुदाइल।
ढहल रीति-रेवाज, कहीं कइसन दिन आइल
लोग छिपावत मुँह ऊहे, जे बडुए दागी
जर के छार भइल बा दुसमन अपने आगी
शीतल छाँह मिलल तब जाके मन अगराइल।
आई बढ़ के अगुआनी में नया भोर के
जात-जमात के तुरीं पगहा, गले लगाई
पहचानीं कउवा के टँकलस पाँख मोर के
जे गरीब बा, असली में बा ऊहे भाई
अब मत पड़ीं फेर में भइया झूठ शोर के
स्वागत में मिल एक दूजे के मंगल गाई।
स्रोत :
- पुस्तक : आपन गाँव भेंटाते नइखे (पृष्ठ 19)
- रचनाकार : कृष्णानन्द कृष्ण
- प्रकाशन : पुनः प्रकाशन, पटना
- संस्करण : 2012
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
