तहिया
सड़क गर्म केने रहै
ओ चप्पलसब
जकर चुल्हा रहै ठंढा
आ पेट रहै खाली,
अपन चुलहाक पक्षमे
अपन खाली पेटक पक्षमे
चप्पलक चापसँ
आ ठंढा चुलहाक तापसँ
जनमलै एकटा ज्वालामुखी
आ एकटा भूकम्प
आ हमर चप्पलबाली मायक आँखिमे
आश भरि गेल रहै
गर्म चुलहाकेँ
भरैत पेटक
आ अखन
चप्पल सब तँ अखनो सड़के पर अछि
मुदा जुत्तासब
जे तहिया चप्पल संगे सड़केपर दौड़ैत रहै
दिशा बदलि लेने अछि
हमर चप्पलबाली मायकेँ पेट अखनो खालिये अछि
चुलहा अखनो ठंढे अछि
आ हमर चप्पलबाली मायकेँ आँखिमे
आक्रोश भरि गेल अछि
तेँ आक्रोशकेँ गीत
लिखाइते रहबाक चाही
अग्नि-गीत गबैते रहबाक चाही
आ चप्पलसबकेँ
सड़क गर्म करिते रहबाक चाही।
tahiya
saDak garm kene rahai
o chappalsab
jakar chulha rahai thanDha
aa pet rahai khali,
apan chulhak pakshme
apan khali petak pakshme
chapplak chapasan
aa thanDha chulhak tapasan
janamalai ekta jvalamukhi
aa ekta bhukamp
aa hamar chappalbali mayak ankhime
aash bhari gel rahai
garm chulhaken
bharait petak
aa akhan
chappal sab tan akhno saDke par achhi
muda juttasab
je tahiya chappal sange saDkepar dauDait rahai
disha badali lene achhi
hamar chappalbali mayken pet akhno khaliye achhi
chulha akhno thanDhe achhi
aa hamar chappalbali mayken ankhime
akrosh bhari gel achhi
ten akroshken geet
likhaite rahbak chahi
agni geet gabaite rahbak chahi
aa chappalasabken
saDak garm karite rahbak chahi.
tahiya
saDak garm kene rahai
o chappalsab
jakar chulha rahai thanDha
aa pet rahai khali,
apan chulhak pakshme
apan khali petak pakshme
chapplak chapasan
aa thanDha chulhak tapasan
janamalai ekta jvalamukhi
aa ekta bhukamp
aa hamar chappalbali mayak ankhime
aash bhari gel rahai
garm chulhaken
bharait petak
aa akhan
chappal sab tan akhno saDke par achhi
muda juttasab
je tahiya chappal sange saDkepar dauDait rahai
disha badali lene achhi
hamar chappalbali mayken pet akhno khaliye achhi
chulha akhno thanDhe achhi
aa hamar chappalbali mayken ankhime
akrosh bhari gel achhi
ten akroshken geet
likhaite rahbak chahi
agni geet gabaite rahbak chahi
aa chappalasabken
saDak garm karite rahbak chahi.
स्रोत :
पुस्तक : समय गीत (पृष्ठ 58)रचनाकार : रोशन जनकपुरी
प्रकाशन : मैथिली विकास कोष, जनकपुर
संस्करण : 2013
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
