दुनिया काँपि रही थी सारी
duniya kanpi rahi thi sari
दुनिया काँपि रही थी सारी
दुनिया काँपि रही थी सारी, अइसी विकट बिमारी नाय
हर मनई के मुँह पर जाबा।
पोता चकित, डरे थे बाबा।
गिरजाघर गुरुद्वारा सूनें,
बंद पड़े पट, कासी, काबा।
हर पल दहसत मा नर नारी, अइसी विकट बिमारी नाय।
कामकाज कै भट्ठा बइठा।
बिना काम घर, पट्ठा बइठा।
आधा साल बीतिगा लेकिन
ना कोय कहूँ, इकट्ठा बइठा।
बइठै सब घर मा सरतारी, अइसी विकट बिमारी नाय।
अपने हाथे आपन रक्षा।
मुँह मा बाँधि चलैं गलमच्छा।
खुद भी बचैं, बचावैं सबका,
आगे ईस्वर करिहैं अच्छा।
सब कुछ देखत कृष्ण मुरारी। कैसी विकट बिमारी नाय।
स्रोत :
- पुस्तक : अवधी मिठास (पृष्ठ 58)
- रचनाकार : मनोज मिश्र ‘कप्तान’
- प्रकाशन : सर्वभाषा प्रकाशन, नई दिल्ली
- संस्करण : 2025
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
