फूले मटरा के म्याड़न पर, हम जोलिन ते ठलुहायि करति
निःचित जुवानि जगी नस-नस, जागे मन-हे-मन खिलति जाति,
वह चटकि चमारिन च्वाट करयि, कच ढिल्लन पर डिंगारु अयिसि—
सतजुग वाली।
वुयि साँची-सूधी बातयि वहि की, आपुइ रूपु बनयिं कविता—
जस उवति सुर्ज्ज-किरनन की काँबी हिरदउँ भीतर घुसि जायि,
बेजा दबावु पर तिलमिलाय का नागिनि असि फनु काढ़ि देयि;
को चितयि सकयि?
दुनिया के पाप-पुण्य की कयिंची का वुहिका का कतरिसि-ब्यउँतिसि?
'तुइ अस न हँसे,' 'तुइ वसयि रहे' मुरही बातन के तीख तीर;
अपने साथी बिरवा पर मानउ लता अयिसि लपिटायि रही—
तन ते-मन ते।
'मइँ तुहि ते, तब तुई महिते हयि, जिहि के चमार का एकु कौल
दूनउ वारन के खुले क्यँवाँरन की पियार की क्वठरी मा,
अंतरजामी बनि, आँखी मूँदे, लुकी - लुकउवरि खेलि रहे,
को छुइ पावयि?
ब्यल्हरातयि आवा, हँसतयि पूछिसि, 'के री, रोटी कहाँ धरी?'
रूखी-सूखी, सिकहर ऊपर मोरे छइला, मोरे साजन।
कहि आँखिन पर बइठारि लिहिस, धनु धूरि भवा, युहु धरमु देखि,
समुझवु कोई?
phule matra ke myaDan par, hum jolin te thaluhayi karati
niःchit juvani jagi nas nas, jage man he man khilati jati,
wo chataki chamarin chvaat karayi, kach Dhillan par Dingaru ayisi—
satjug vali.
vuyi sanchi sudhi batayi vahi ki, apui rupu banayin kavita—
jas uvati surjj kirnan ki kanbi hiradaun bhitar ghusi jayi,
beja dabavu par tilamilay ka nagini asi phanu kaDhi deyi;
ko chitayi sakayi?
duniya ke paap punya ki kayinchi ka vuhika ka katarisi byauntisi?
tui as na hanse, tui vasayi rahe murhi batan ke teekh teer;
apne sathi birva par manau lata ayisi lapitayi rahi—
tan te man te.
main tuhi te, tab tui mahite hayi, jihi ke chamar ka eku kaul
dunau varan ke khule kynvanran ki piyar ki kvathri ma,
antarjami bani, ankhi munde, luki lukauvari kheli rahe,
ko chhui pavayi?
byalharatayi aava, hansatayi puchhisi, ke ri, roti kahan dhari?
rukhi sukhi, sikhar uupar more chhaila, more sajan.
kahi ankhin par baithari lihis, dhanu dhuri bhava, yuhu dharamu dekhi,
samujhavu koi?
phule matra ke myaDan par, hum jolin te thaluhayi karati
niःchit juvani jagi nas nas, jage man he man khilati jati,
wo chataki chamarin chvaat karayi, kach Dhillan par Dingaru ayisi—
satjug vali.
vuyi sanchi sudhi batayi vahi ki, apui rupu banayin kavita—
jas uvati surjj kirnan ki kanbi hiradaun bhitar ghusi jayi,
beja dabavu par tilamilay ka nagini asi phanu kaDhi deyi;
ko chitayi sakayi?
duniya ke paap punya ki kayinchi ka vuhika ka katarisi byauntisi?
tui as na hanse, tui vasayi rahe murhi batan ke teekh teer;
apne sathi birva par manau lata ayisi lapitayi rahi—
tan te man te.
main tuhi te, tab tui mahite hayi, jihi ke chamar ka eku kaul
dunau varan ke khule kynvanran ki piyar ki kvathri ma,
antarjami bani, ankhi munde, luki lukauvari kheli rahe,
ko chhui pavayi?
byalharatayi aava, hansatayi puchhisi, ke ri, roti kahan dhari?
rukhi sukhi, sikhar uupar more chhaila, more sajan.
kahi ankhin par baithari lihis, dhanu dhuri bhava, yuhu dharamu dekhi,
samujhavu koi?
स्रोत :
पुस्तक : पढ़ीस ग्रंथावली (पृष्ठ 147)संपादक : डॉ. रामविलास शर्मा, युक्तिभद्र दीक्षित रचनाकार : बलभद्रप्रसाद दीक्षित 'पढ़ीस'
प्रकाशन : उत्तर प्रदेश हिन्दी संस्थान, लखनऊ
संस्करण : 1998
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
