chal paDa gaDariya doob bhari ghatiyon ki or ghumata hua apni lathiya ko

chal paDa gaDariya doob bhari ghatiyon ki or

nikla laDne kushti varsha aur kichaD ke saath, nahin khata bhay

andhi se andhiyari se, vidyut aur tufan se—chal paDa gaDariya. . .

chaDha patharo par yatra ke liye ek utsaah liye dauDta hua babarsher ki bhanti

pasino se tarabtar chilchilati dhoop men—chal paDa gaDariya. . .

ghir gaya kahin varsha mae, chakraya kahi sir iska olo ki maar mein

uDa liya kahi ise pashchimi jhakkaD ne―chal paDa gaDariya

gir paDa audhe munh pashchimi jhakkaD mein aur jal ise vahan le gaya ek nauka ki bhanti

hua ghayal kha kha kar dhachke, jhatke—chal paDa gaDariya

jo chhipa niche chattano ke sambhalne apne aap ko

mar mar ke mano kai baar janm liya isne—chal paDa gaDariya

baDhta gaya aage hi aage kis chaav paDa nahin bal iski kamar men

yatra ke utsaah mein sthir hai ja raha—chal paDa gaDariya

tag nahin hua aghaton se, iske pag mein bal hain aur teevr gati

kyonki nikla hai shaishav hi se safar karne—chal paDa gaDariya

yatra ke is utsaah par nichhavar hai iske sathi arambh se hi

ye surya chaand tare aur ye vayu—chal gaya gaDariya

kaha ye shashi ne jalaunga tere liye mashale taron ki andhiyari rato mein

aur prajvalit karunga path tere liye chandni raton men—chal paDa gaDariya. . .

kaha ye ravi ne na dena ulahna mujhe ki jalaya tujhe mainne path par kaDakti dhoop se

(vishvas rakho) pahunchaunga thaDak (doob bhari ghatiyon men) him ki shital

vayu se tere sharir ko—chal paDa gaDariya

kaha ye vayu ne safar ke taap mein harna nahin dam, karungi thanDa tere rom

rom ke pasine ko—chal paDa gaDariya

aaya gaDariya nange pair karta chhiDakav pairon ke rakt ka shool bhari jhaDiyon mein se

sonamarg keran aur drava ki ghatiyon mein se―chal paDa gaDariya

aaya hota hua hanpti hui bheDon aur bakriyon ko tikhi chattanon par se tilo par se,

aur hua pravesh iska ek meer shikari ki bhanti doob

bhari ghati men—chal paDa gaDariya

lagi pighalne jami hui preet him khanDo ki isi ke prem mein

aur khil utha matha parvton aur pahaDo ka—chal paDa gaDariya. . .

aaya svay bhagya ka shilpi mano bunta hua chadre prapat ki

kyonki suchana thi aane ki nang dhaDag gaDariye ki—chal paDa gaDariya. . .

bichh gaya pharsh makhmal ka sthaan sthaan par hariyali ka kyonki aaya hai door se

atithi ek thaka hara— chal paDa gaDariya. . .

i nadi bhi isi ke anurag se garajti hui uchhalti hui

panchal parvat ke him shikhro se parantu jal rahi deh iski thakan se—chal paDa

ban mein iske meet iski sakhiyan yahi bheDe yahi bakriyan yahin gayen

bitata rahta din saath inhi ke—chal paDa gaDariya. . .

baith gaya choti par jaise ek vaiz (updeshak) jo uttara ho satven akash se

aur mano bana raha ho bhed bhagya ke—chal paDa gaDariya. . .

jhoom utha ban sara iski murli ki taan se aur sun rahe hain kaan dekar

ye cheeD aur ye devdar mano ek naya yauvan aaya ho peDon men—

chal paDa gaDariya. . .

chaDha senapati tilon par mano sena lekar apne revaD ki ghumata hua

apni lathiya ko

aur toDta hua gaurav parvat ka—chal paDa gaDariya

munh mein pani bhar aaya bheDiyo aur chiton ke dekhkar bheD bakriyon ko

unki garaj se sara ban kap utha—chal paDa gaDariya

phir baith gaya gaDariya ek alav jalakar rakhvali karta

ek pita ki bhanti apne bachchon ki or se laDta raha kushti richhon se—

chal paDa gaDariya

jab aaya chain sa nishchintta si aur hui mast doob bhari ghati men

ye meDe aur bakriyan, i yaad gaDariye ko apne ghar kee—

chal paDa gaDariya

chal paDa tha prem ki ghatiyon ki or jab phool khil rahe the vasant

mein aur lauta ghar ko ab patjhaD mein, pahuncha ghar jab mano phir se janm liya

maan ki kokh se―chal paDa gaDariya

aaya kavi “phani bhi prem ki ghati mein sunne sangit dard ke saaj ka

aaya lai mein sunkar taan kisi murli ki—chal paDa gaDariya

chal paDa gaDariya doob bhari ghatiyon ki or ghumata hua apni lathiya ko

chal paDa gaDariya doob bhari ghatiyon ki or

nikla laDne kushti varsha aur kichaD ke saath, nahin khata bhay

andhi se andhiyari se, vidyut aur tufan se—chal paDa gaDariya. . .

chaDha patharo par yatra ke liye ek utsaah liye dauDta hua babarsher ki bhanti

pasino se tarabtar chilchilati dhoop men—chal paDa gaDariya. . .

ghir gaya kahin varsha mae, chakraya kahi sir iska olo ki maar mein

uDa liya kahi ise pashchimi jhakkaD ne―chal paDa gaDariya

gir paDa audhe munh pashchimi jhakkaD mein aur jal ise vahan le gaya ek nauka ki bhanti

hua ghayal kha kha kar dhachke, jhatke—chal paDa gaDariya

jo chhipa niche chattano ke sambhalne apne aap ko

mar mar ke mano kai baar janm liya isne—chal paDa gaDariya

baDhta gaya aage hi aage kis chaav paDa nahin bal iski kamar men

yatra ke utsaah mein sthir hai ja raha—chal paDa gaDariya

tag nahin hua aghaton se, iske pag mein bal hain aur teevr gati

kyonki nikla hai shaishav hi se safar karne—chal paDa gaDariya

yatra ke is utsaah par nichhavar hai iske sathi arambh se hi

ye surya chaand tare aur ye vayu—chal gaya gaDariya

kaha ye shashi ne jalaunga tere liye mashale taron ki andhiyari rato mein

aur prajvalit karunga path tere liye chandni raton men—chal paDa gaDariya. . .

kaha ye ravi ne na dena ulahna mujhe ki jalaya tujhe mainne path par kaDakti dhoop se

(vishvas rakho) pahunchaunga thaDak (doob bhari ghatiyon men) him ki shital

vayu se tere sharir ko—chal paDa gaDariya

kaha ye vayu ne safar ke taap mein harna nahin dam, karungi thanDa tere rom

rom ke pasine ko—chal paDa gaDariya

aaya gaDariya nange pair karta chhiDakav pairon ke rakt ka shool bhari jhaDiyon mein se

sonamarg keran aur drava ki ghatiyon mein se―chal paDa gaDariya

aaya hota hua hanpti hui bheDon aur bakriyon ko tikhi chattanon par se tilo par se,

aur hua pravesh iska ek meer shikari ki bhanti doob

bhari ghati men—chal paDa gaDariya

lagi pighalne jami hui preet him khanDo ki isi ke prem mein

aur khil utha matha parvton aur pahaDo ka—chal paDa gaDariya. . .

aaya svay bhagya ka shilpi mano bunta hua chadre prapat ki

kyonki suchana thi aane ki nang dhaDag gaDariye ki—chal paDa gaDariya. . .

bichh gaya pharsh makhmal ka sthaan sthaan par hariyali ka kyonki aaya hai door se

atithi ek thaka hara— chal paDa gaDariya. . .

i nadi bhi isi ke anurag se garajti hui uchhalti hui

panchal parvat ke him shikhro se parantu jal rahi deh iski thakan se—chal paDa

ban mein iske meet iski sakhiyan yahi bheDe yahi bakriyan yahin gayen

bitata rahta din saath inhi ke—chal paDa gaDariya. . .

baith gaya choti par jaise ek vaiz (updeshak) jo uttara ho satven akash se

aur mano bana raha ho bhed bhagya ke—chal paDa gaDariya. . .

jhoom utha ban sara iski murli ki taan se aur sun rahe hain kaan dekar

ye cheeD aur ye devdar mano ek naya yauvan aaya ho peDon men—

chal paDa gaDariya. . .

chaDha senapati tilon par mano sena lekar apne revaD ki ghumata hua

apni lathiya ko

aur toDta hua gaurav parvat ka—chal paDa gaDariya

munh mein pani bhar aaya bheDiyo aur chiton ke dekhkar bheD bakriyon ko

unki garaj se sara ban kap utha—chal paDa gaDariya

phir baith gaya gaDariya ek alav jalakar rakhvali karta

ek pita ki bhanti apne bachchon ki or se laDta raha kushti richhon se—

chal paDa gaDariya

jab aaya chain sa nishchintta si aur hui mast doob bhari ghati men

ye meDe aur bakriyan, i yaad gaDariye ko apne ghar kee—

chal paDa gaDariya

chal paDa tha prem ki ghatiyon ki or jab phool khil rahe the vasant

mein aur lauta ghar ko ab patjhaD mein, pahuncha ghar jab mano phir se janm liya

maan ki kokh se―chal paDa gaDariya

aaya kavi “phani bhi prem ki ghati mein sunne sangit dard ke saaj ka

aaya lai mein sunkar taan kisi murli ki—chal paDa gaDariya