लोहारक भाथी जकाँ
चलैत रहै छै शहर
यात्रीक आँख मे बीतैत अछि सड़क
पानि डेंगायब सन निरर्थक काज मे
अनेरो अपसियाँत ट्रैफिक-पुलिस
रोड परहक सभ सँ बेकार आदमी लगैत अछि
नोकरी लेल डिरियाइत हमरा सन लोक
बेकार आदमी बनबाक प्रक्रिया मे होइत छी
ओतहि सड़क कात
छोटछीन उठौआ दोकान सजेने लोक
स्वयं केँ काजुल प्रमाणित करबाक ब्योंत मे
ओना त'
घनेरो घटना होइ छै भरि दिन
मुदा राति बितने बदलैत अछि दृश्य
मुँह पर पाउडर आ क्रीम पोतने
बेर-बेर ठोररंगा आ केश सरिअबैत
ककरो प्रतीक्षा मे चौचंक भेल
सड़क कात ठाढ़ स्त्री
कोनो अनभुआर कार मे बैसिक'
जाइ छै काज पर
अनकर भूख मेटाक'
अपन परिवार लेल भोजनक ओरिआन मे
सड़क कात—
कुकूरक बीच सूतल लोक
अबस्से बनेतै अपन घर
अरजतै धन-सम्पत्ति
संगोर हेतै समाजक मुख्य धारा मे
साबित करतै
आब नहि रहलै ओ कुकूर
ओ सभकिछु करतै
जे नहि केलकै कहियो
सपना देखबा मे कोन हर्ज?
बीच सड़क पर धक्का लगला सँ
मरल लोक आ जानवर
समूचा शहरक कचड़ा
आम जनता कहाब'बला जीव
पागल सन लागैबला पागल
सभ्य जंगल सँ बाहर कयल गेल
अनेरुआ जंगल-झाड़
बेकार आ समाज सँ परित्यक्त
सभटा वस्तुक एकमात्र आश्रय होइत अछि
'सड़क सँ कतिआयल सड़क कात।'
loharak bhathi jakan
chalait rahai chhai shahr
yatrik ankh mae bitait achhi saDak
pani Dengayab san nirarthak kaaj mae
anero apasiyant traiphik pulis
roD parhak sabh san bekar adami lagait achhi
nokri lel Diriyait hamra san lok
bekar adami banbak prakriya mae hoit chhi
otahi saDak kaat
chhotchhin uthaua dokan sajene lok
svayan ken kajul prmanit karbak byont mae
ona ta
ghanero ghatna hoi chhai bhari din
muda rati bitne badlait achhi drishya
munh par pauDar aa kreem potne
ber ber thorranga aa kesh sariabait
kakro prtiksha mae chauchank bhel
saDak kaat thaaDh stri
kono anabhuar kaar mae baisik
jai chhai kaaj par
ankar bhookh metak
apan parivar lel bhojnak orian mae
saDak kaat—
kukurak beech sutal lok
abasse banetai apan ghar
arajatai dhan sampatti
sangor hetai samajak mukhya dhara mae
sabit karatai
aab nahi rahalai o kukur
o sabhakichhu karatai
je nahi kelakai kahiyo
sapna dekhba mae kon harj?
beech saDak par dhakka lagla san
maral lok aa janvar
samucha shahrak kachDa
aam janta kahabbala jeev
pagal san lagaibla pagal
sabhya jangal san bahar kayal gel
anerua jangal jhaaD
bekar aa samaj san parityakt
sabhta vastuk ekmaatr ashray hoit achhi
saDak san katiayal saDak kaat.
loharak bhathi jakan
chalait rahai chhai shahr
yatrik ankh mae bitait achhi saDak
pani Dengayab san nirarthak kaaj mae
anero apasiyant traiphik pulis
roD parhak sabh san bekar adami lagait achhi
nokri lel Diriyait hamra san lok
bekar adami banbak prakriya mae hoit chhi
otahi saDak kaat
chhotchhin uthaua dokan sajene lok
svayan ken kajul prmanit karbak byont mae
ona ta
ghanero ghatna hoi chhai bhari din
muda rati bitne badlait achhi drishya
munh par pauDar aa kreem potne
ber ber thorranga aa kesh sariabait
kakro prtiksha mae chauchank bhel
saDak kaat thaaDh stri
kono anabhuar kaar mae baisik
jai chhai kaaj par
ankar bhookh metak
apan parivar lel bhojnak orian mae
saDak kaat—
kukurak beech sutal lok
abasse banetai apan ghar
arajatai dhan sampatti
sangor hetai samajak mukhya dhara mae
sabit karatai
aab nahi rahalai o kukur
o sabhakichhu karatai
je nahi kelakai kahiyo
sapna dekhba mae kon harj?
beech saDak par dhakka lagla san
maral lok aa janvar
samucha shahrak kachDa
aam janta kahabbala jeev
pagal san lagaibla pagal
sabhya jangal san bahar kayal gel
anerua jangal jhaaD
bekar aa samaj san parityakt
sabhta vastuk ekmaatr ashray hoit achhi
saDak san katiayal saDak kaat.
स्रोत :
पुस्तक : पेटकुनियाँ लधने प्रश्न (पृष्ठ 19)रचनाकार : सुमित मिश्र गुंजन
प्रकाशन : नवारम्भ, पटना/मधुबनी
संस्करण : 2024
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
