एकटा सम्पूर्ण राति
हमरा आँखिमे उगल अछि
एहि रातिक सम्पूर्ण विस्मय-आतंक
हर्ष-विषाद, सुख-दुख
सब किछु जेना आँखिक कोरपर
राति भरि टहलैत रहल अछि
एहि टहलानमे राति भरि
हमरा भीतर रिक्तता छोड़ि किछु नहि रहल
एकटा अतृप्त आकांक्षा
मोनमे जागले रहल राति भरि
एकटा सम्पूर्ण दिन
हमरा आँखिमे उगल अछि
एहि दिनक सम्पूर्ण उल्लास-आकांक्षा
प्रकाशक स्वर्णाभ किरण-स्रोत
दिन भरि दैत रहल
रातिक लेल उलहन-उपराग
मोनमे विराग नहि, राग आनब
आब गायब मुक्ति-गीत
गूनब बूनब मुक्तिक स्वप्नजाल
जन-जनक मुक्ति लेल
राग-ताल-लयमे प्रखर-मुखर गीत
यैह टा स्वाभाविक गति रहत हमर
रातिक सभटा अन्हारकेँ
दिनक सूर्य हमर गीड़ि लेत
जन-जनमे आनत चेतना
यैह प्रकाशक अक्षय-स्रोत।
ekta sampurn rati
hamra ankhime ugal achhi
ehi ratik sampurn vismay atank
harsh vishad, sukh dukh
sab kichhu jena ankhik korpar
rati bhari tahlait rahal achhi
ehi tahlanme rati bhari
hamra bhitar riktata chhoDi kichhu nahi rahal
ekta atript akanksha
monme jagle rahal rati bhari
ekta sampurn din
hamra ankhime ugal achhi
ehi dinak sampurn ullaas akanksha
prakashak svarnabh kiran srot
din bhari dait rahal
ratik lel ulhan upraag
monme virag nahi, raag aanab
aab gayab mukti geet
gunab bunab muktik svapnjal
jan janak mukti lel
raag taal layme prakhar mukhar geet
yaih ta svabhavik gati raht hamar
ratik sabhta anharken
dinak surya hamar giDi let
jan janme aanat chetna
yaih prakashak akshay srot.
ekta sampurn rati
hamra ankhime ugal achhi
ehi ratik sampurn vismay atank
harsh vishad, sukh dukh
sab kichhu jena ankhik korpar
rati bhari tahlait rahal achhi
ehi tahlanme rati bhari
hamra bhitar riktata chhoDi kichhu nahi rahal
ekta atript akanksha
monme jagle rahal rati bhari
ekta sampurn din
hamra ankhime ugal achhi
ehi dinak sampurn ullaas akanksha
prakashak svarnabh kiran srot
din bhari dait rahal
ratik lel ulhan upraag
monme virag nahi, raag aanab
aab gayab mukti geet
gunab bunab muktik svapnjal
jan janak mukti lel
raag taal layme prakhar mukhar geet
yaih ta svabhavik gati raht hamar
ratik sabhta anharken
dinak surya hamar giDi let
jan janme aanat chetna
yaih prakashak akshay srot.
स्रोत :
पुस्तक : परिचिति (पृष्ठ 12)रचनाकार : सुस्मिता पाठक
प्रकाशन : किसुन संकल्प लोक
संस्करण : 1997
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
