साँच बात बोले में
saanch baat bole mein
साँच बात बोले में भइया डर काहे के
बाकी ओकर धाहे देखीं सब जर जाला
आइल समय चलीं अब सबके मन थाहे के
खाली पाँव चले मनई छाला पर जाला।
कतनो अमरित कुंड नहाई कुछ ना होई
जबले आपन मनवाँ शुद्ध न होई भाई
झूठ बोल के काहे केहू आपा खोई
हाथ न हासिल होई कतनो रोई-गाई।
ऊपरवाला के माया सब बाटे भाई
अपना भीतर का शिवत्व के अब जागे दीं
अपना अनकर के दूरी के पार्टी खाई
अंधकार सब मन के भीतर के भागे दीं
कइसन नाच नचावे बिधना देखीं खेला
खुश होलन जेपर सहजे मुकुती पा लेला।
स्रोत :
- पुस्तक : आपन गाँव भेंटाते नइखे (पृष्ठ 54)
- रचनाकार : कृष्णानन्द कृष्ण
- प्रकाशन : पुनः प्रकाशन, पटना
- संस्करण : 2012
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
