उपहास बनल छी
uphaas banal chhi
संसार भरिक लोककेर उपहास बनल छी,
पशुओ ने मुँह लगा सकय निघास बनल छी
स्नेहक बढ़ौलहुँ हाथ तँ चट बज्र खसि पड़ल,
फूटल छै भाग जकरे से हताश बनल छी
यारी ने निबहि सकल क्षणक रौद-पानिमे,
निर्जन मसान बीच दुखक रास बनल छी
सपनो ने सुखक भान हमर त्राण अछि कतऽ,
बेलो-बबूर उगि ने सकय चास बनल छी
जाइत अछि पूछल समयपर आक आ धथूर,
फूलोमे फूल अधम अमलतास बनल छी
हमरा ने टोकय लोक, अपन नीक जँ चाहय,
भारी अलच्छ खापड़ि अशुभ त्रास बनल छी
स्रोत :
- पुस्तक : गजल ओ गीत
- रचनाकार : शेखर प्रकाशन, पटना
- प्रकाशन : सुधांशु ‘शेखर’ चौधरी
- संस्करण : 1991
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
