लहरेला खेतवा में धनवां
lahrela khetva mein dhanvan
रामबहादुर ‘अधीर पिण्डवी’
Rambahadur ‘Adhir Pindvi’
लहरेला खेतवा में धनवां
lahrela khetva mein dhanvan
Rambahadur ‘Adhir Pindvi’
रामबहादुर ‘अधीर पिण्डवी’
और अधिकरामबहादुर ‘अधीर पिण्डवी’
लहरेला खेतवा में धनवां,
देखि झूमि उठे मनवां।
मनवा में सोचे किसनवां,
सच होई अबकी सपनवां॥
खेतवा में धनवां जबसे रोपाइल।
समय से पानी, समय से सोहाइल॥
परेला फसिलिया परनवां॥
देखि झूमि...
मेहनति अबकी सफल होइ जाई।
जाई बेकार नाही अबकी कमाई॥
देखिके जुड़ाला परनवां॥
देखि झूमि...
खेतवा में जाके घूमि आव धनिया।
करि आव जाके मन से सोहनिया।
मानऽ तूँ हमरो कहनवां॥
देखि झूमि...
तोहके गढ़ाइबि हम नाक के नथुनिया।
झुलनी पाजेब कमर के करधनिया॥
अउरी गढ़ाइबि कंगनवां॥
देखि झूमि...
स्रोत :
- पुस्तक : गँउवा के माटी अनमोल (पृष्ठ 41)
- रचनाकार : रामबहादुर ‘अधीर पिण्डवी’
- प्रकाशन : अखिल भारतीय भोजपुरी समाज, गोमतीनगर, लखनऊ
- संस्करण : 2010
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
