द्वापर के युग मत समझा कलियुग क इहाँ विकास।
बतावा कहाँ रचइबा रास॥
ना तो ऊ वसुदेव देवकी ना यसुदा अस माई।
गइया लगैं कसइया हाथे कइसे मिली मलाई।
चटकल बा व्यापार विदेशी दूध क छोड़ा आस, बतावा कहाँ॥
कई करोड़ द्रौपदी इहाँ केतनन कइ लाज बचइबा।
अनगिन लोग सुदामा केतना सोवरन पुरी बनइबा।
अंश कंस क मिली सभत्तर मानि लिहा बिसवास, बतावा कहाँ॥
वृन्दावन हो गयल ऊँजरुवा सखा संग क घाती।
केकरे बल पर रार बेसहबा चलबा खोलि के छाती।
दुई नाली बन्दूक क दुनियाँ लकुटी तोहरे पास, बतावा कहाँ॥
अब कानून के बल पर होये लगल इहाँ कुल काम।
खोजत फिरै पुलिस हरदम जे केहू बाटै बदनाम।
फँसि जइबा यदि कहीं 'बावला' तौ होई परिहास, बतावा कहाँ॥
dvapar ke yug mat samjha kaliyug ka ihaan vikas.
batava kahan rachaiba raas॥
na to uu vasudev devki na yasuda as mai.
gaiya lagain kasaiya hathe kaise mili malai.
chatkal ba vyapar videshi doodh ka chhoDa aas, batava kahan॥
kai karoD draupadi ihaan ketnan kai laaj bachaiba.
angin log sudama ketna sovaran puri banaiba.
ansh kans ka mili sabhattar mani liha bisvas, batava kahan॥
vrindavan ho gayal uunjruva sakha sang ka ghati.
kekre bal par raar besahba chalba kholi ke chhati.
dui nali banduk ka duniyan lakuti tohre paas, batava kahan॥
ab kanun ke bal par hoye lagal ihaan kul kaam.
khojat phirai pulis hardam je kehu batai badnam.
phansi jaiba yadi kahin bavala tau hoi parihas, batava kahan॥
dvapar ke yug mat samjha kaliyug ka ihaan vikas.
batava kahan rachaiba raas॥
na to uu vasudev devki na yasuda as mai.
gaiya lagain kasaiya hathe kaise mili malai.
chatkal ba vyapar videshi doodh ka chhoDa aas, batava kahan॥
kai karoD draupadi ihaan ketnan kai laaj bachaiba.
angin log sudama ketna sovaran puri banaiba.
ansh kans ka mili sabhattar mani liha bisvas, batava kahan॥
vrindavan ho gayal uunjruva sakha sang ka ghati.
kekre bal par raar besahba chalba kholi ke chhati.
dui nali banduk ka duniyan lakuti tohre paas, batava kahan॥
ab kanun ke bal par hoye lagal ihaan kul kaam.
khojat phirai pulis hardam je kehu batai badnam.
phansi jaiba yadi kahin bavala tau hoi parihas, batava kahan॥
स्रोत :
पुस्तक : गीत मंजरी संपादक : हरिराम द्विवेदी, जयशंकर प्रसाद द्विवेदी रचनाकार : रामजियावान दास ‘बावला’
प्रकाशन : सर्व भाषा ट्रस्ट, नई दिल्ली
संस्करण : 2021
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
