शहरिया से हो, शहरिया से,
कबले अइबऽ मोर बलमुआ शहरिया से॥...
खेती किसानी के समय अब आइल।
बुढ़वा बएल रहे ऊहो बिकाइल॥
कवनो तरे अबकी खेतवा बोवाइल,
कइसे पानी चली अबकी नहरिया से॥ कबले...
मुनुआ सेयान भइल पढ़े अब जाई।
कापी किताब पेन कइसे किनाई॥
गुड़िया के फीस बिनु छूटल पढ़ाई,
कवनो सुखवा नइखे तोहरी नोकरिया से॥ कबले...
अम्मा जी के साड़ी बाबू जी के मरदानी।
हमरो के चाहीं एगो साड़ी रंग धानी॥
धानी ना मिली तऽ ले अइहऽ असमानी,
ऊहो लेले अइहऽ पटना बजरिया से॥ कबले...
बाति-बाति के इहाँ बाटे परेशानी।
साँच सब लिखीं हम, झूठ जनि जानीं॥
घर में मेहमान आइल तोहरे निसानी,
अनजा चूकि गइल सगरो बखरिया से॥...
shahariya se ho, shahariya se,
kable aibऽ mor balamua shahariya se॥. . .
kheti kisani ke samay ab aail.
buDhva bel rahe uuho bikail॥
kavno tare abki khetva bovail,
kaise pani chali abki nahariya se॥ kable. . .
munua seyan bhail paDhe ab jai.
kapi kitab pen kaise kinai॥
guDiya ke phees binu chhutal paDhai,
kavno sukhva naikhe tohri nokariya se॥ kable. . .
amma ji ke saDi babu ji ke mardani.
hamro ke chahin ego saDi rang dhani॥
dhani na mili taऽ le aihऽ asmani,
uuho lele aihऽ patna bajariya se॥ kable. . .
bati bati ke ihaan bate pareshani.
saanch sab likhin hum, jhooth jani janin॥
ghar mein mehman aail tohre nisani,
anja chuki gail sagro bakhariya se॥. . .
shahariya se ho, shahariya se,
kable aibऽ mor balamua shahariya se॥. . .
kheti kisani ke samay ab aail.
buDhva bel rahe uuho bikail॥
kavno tare abki khetva bovail,
kaise pani chali abki nahariya se॥ kable. . .
munua seyan bhail paDhe ab jai.
kapi kitab pen kaise kinai॥
guDiya ke phees binu chhutal paDhai,
kavno sukhva naikhe tohri nokariya se॥ kable. . .
amma ji ke saDi babu ji ke mardani.
hamro ke chahin ego saDi rang dhani॥
dhani na mili taऽ le aihऽ asmani,
uuho lele aihऽ patna bajariya se॥ kable. . .
bati bati ke ihaan bate pareshani.
saanch sab likhin hum, jhooth jani janin॥
ghar mein mehman aail tohre nisani,
anja chuki gail sagro bakhariya se॥. . .
स्रोत :
पुस्तक : गँउवा के माटी अनमोल (पृष्ठ 12)रचनाकार : रामबहादुर ‘अधीर पिण्डवी’
प्रकाशन : अखिल भारतीय भोजपुरी समाज, गोमतीनगर, लखनऊ
संस्करण : 2010
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
