गुलमिया अब हम नाहीं बजइबो, अजदिया हमरा के भावेले
झीनी-झीनी वीनी चदरिया लहरेले तोहरे कान्हे
जब हम तन के परदा मांगी आवे सिपहिया बान्हे
सिपहिया से अब नाहीं बन्हइबो, चदरिया हमरा के भावेले
गुलमिया अब हम नाहीं बजइबो, अजदिया हमरा के भावेले।
कंकड़ चुनि-चुनि महल बनवलीं हम भइलीं परदेसी
तोहरे कनुनिया मारल गइलीं कहंवो भइल ना पेसी
कनुनिया अइसन हम नाहीं मनबो, महलिया हमरा के भावेले
गुलमिया अब हम नाहीं बजइबो, अजदिया हमरा के भावेले।
दिनवा खदनिया से सोना निकललीं, रतिया लगवलीं अंगूठा
सगरी जिनगिया करजे में डूबलि कइल हिसववा झूठा
जिनगिया अब हम नाहीं डुबइबो, अछरिया हमरा के भावेले
गुलमिया अब हम नाहीं बजइबो, अजदिया हमरा के भावेले।
हमरे जंगरवा से धरती फुलाले फुलवा में खुशबू भरेले
हमके वनुकिया से कइल बेदखलीं तोहरे मलिकई चलेले
धरतिया अब हम नाहीं गंवइबो, बनुकिया हमरा के भावेले
गुलमिया अब हम नाहीं बजइबो, अजदिया हमरा के भावेले।
gulamiya ab hum nahin bajaibo, ajadiya hamra ke bhavele
jhini jhini vini chadariya lahrele tohre kanhe
jab hum tan ke parda mangi aave sipahiya banhe
sipahiya se ab nahin banhaibo, chadariya hamra ke bhavele
gulamiya ab hum nahin bajaibo, ajadiya hamra ke bhavele.
kankaD chuni chuni mahl banavlin hum bhailin pardesi
tohre kanuniya maral gailin kahanvo bhail na pesi
kanuniya aisan hum nahin manbo, mahaliya hamra ke bhavele
gulamiya ab hum nahin bajaibo, ajadiya hamra ke bhavele.
dinva khadaniya se sona nikallin, ratiya lagavlin angutha
sagri jinagiya karje mein Dubali kail hisavva jhutha
jinagiya ab hum nahin Dubaibo, achhariya hamra ke bhavele
gulamiya ab hum nahin bajaibo, ajadiya hamra ke bhavele.
hamre jangarva se dharti phulale phulva mein khushbu bharele
hamke vanukiya se kail bedakhlin tohre malikii chalele
dharatiya ab hum nahin ganvaibo, banukiya hamra ke bhavele
gulamiya ab hum nahin bajaibo, ajadiya hamra ke bhavele.
gulamiya ab hum nahin bajaibo, ajadiya hamra ke bhavele
jhini jhini vini chadariya lahrele tohre kanhe
jab hum tan ke parda mangi aave sipahiya banhe
sipahiya se ab nahin banhaibo, chadariya hamra ke bhavele
gulamiya ab hum nahin bajaibo, ajadiya hamra ke bhavele.
kankaD chuni chuni mahl banavlin hum bhailin pardesi
tohre kanuniya maral gailin kahanvo bhail na pesi
kanuniya aisan hum nahin manbo, mahaliya hamra ke bhavele
gulamiya ab hum nahin bajaibo, ajadiya hamra ke bhavele.
dinva khadaniya se sona nikallin, ratiya lagavlin angutha
sagri jinagiya karje mein Dubali kail hisavva jhutha
jinagiya ab hum nahin Dubaibo, achhariya hamra ke bhavele
gulamiya ab hum nahin bajaibo, ajadiya hamra ke bhavele.
hamre jangarva se dharti phulale phulva mein khushbu bharele
hamke vanukiya se kail bedakhlin tohre malikii chalele
dharatiya ab hum nahin ganvaibo, banukiya hamra ke bhavele
gulamiya ab hum nahin bajaibo, ajadiya hamra ke bhavele.
स्रोत :
पुस्तक : गोरख पाण्डेय के भोजपुरी गीत (पृष्ठ 19)संपादक : जीतेन्द्र वर्मा रचनाकार : गोरख पाण्डेय
प्रकाशन : राष्ट्रीय पुस्तक न्यास
संस्करण : 2009
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
