मन होइयै अहाँकेँ टोकी आ कि नञि टोकी
man hoiyai ahanken toki aa ki nani toki
मायानंद मिश्र
Mayanand Mishra
मन होइयै अहाँकेँ टोकी आ कि नञि टोकी
man hoiyai ahanken toki aa ki nani toki
Mayanand Mishra
मायानंद मिश्र
और अधिकमायानंद मिश्र
मन होइयै अहाँकेँ टोकी आ कि नञि टोकी।
आँखिक जे छन्दमे अछि
अधरक कतेक भाषा
आँचरके रंगमे अछि
लाजक जेना परिभाषा
जे गीत बहि रहल अछि, रोकी, आ कि नञि रोकी।
ड्योढ़ीक बाँहिमे अछि
स्वागत जेना उताहुल
आङन के टाट भरिदिन
खड़िये जेना उचारल
जे रूप बहि रहल अछि रोकी, आ कि नञि रोकी।
बाटक जे मोड़ सब अछि
सबपर हकार साटल
यौवन के द्वारपर अछि
कालक कहार राखल
जे साँस बहि रहल अछि, रोकी, आ कि नञि रोकी।
साँझक करेजपर अछि
रातुक पहाड़ राखल
जीवन के छन्दमे अछि
गीतक पथार लागल
जे प्यास बहि रहल अछि, रोकी, आ कि नञि रोकी।
स्रोत :
- पुस्तक : अवान्तर (पृष्ठ 42)
- रचनाकार : मायानन्द मिश्र
- प्रकाशन : मैथिली चेतना परिषद्, सहरसा
- संस्करण : 1977
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
