घनश्याम जेना अगुतायल अछि।
आङी हरियर पहीरि धरणि जनि
आँचरसँ उधिआयल अछि।
भीजल कदमक ठाढ़िक चुम्बन
हित पुरिबा ललचायल,
धरणि-नयन केर रंग जेना
नब कनिया सन अलसायल
पहिल अषाढ़क पहिले अनुभव
सँ जनु दूभि डेरायल अछि।
दूबरि पातरि सरिता केर
तनमे, यौवन उमड़ल अछि
आइ अचानक मोन दुकूलक
कसकल अछि, मसकल अछि
श्यामक बरजोरीमे तट-राधा
केर, मन भसियायल अछि।
खतक आँचररमे शस्यक अछि
छन्द के इतिहासल
धरती केर जीवन-वंशीमे
रागक बाजत पायल,
बाधक मन जनु चासक गीतेसँ
एहिखन हरिआयल अछि।
खरिहानक मन उमगल देखल
आँगन हुलसल, फुलसल
चुल्हाकेँ बिहुँसल देखल तँ
चिनमारी अछि चमकल,
आँगन केर तुलसी एखनहिसँ
अरिपन हित ललचायल अछि।
घनश्याम जेना अगुतायल अछि।
ghanshyam jena agutayal achhi.
aangi hariyar pahiri dharani jani
ancharasan udhiayal achhi.
bhijal kadmak thaDhik chumban
hit puriba lalchayal,
dharani nayan ker rang jena
nab kaniya san alsayal
pahil ashaDhak pahile anubhav
san janu dubhi Derayal achhi.
dubari patari sarita ker
tanme, yauvan umDal achhi
aai achanak mon dukulak
kaskal achhi, maskal achhi
shyamak barjorime tat radha
ker, man bhasiyayal achhi.
khatak anchararame shasyak achhi
chhand ke itihasal
dharti ker jivan vanshime
ragak bajat payal,
badhak man janu chasak gitesan
ehikhan hariayal achhi.
kharihanak man umgal dekhal
angan hulsal, phulsal
chulhaken bihunsal dekhal tan
chinmari achhi chamkal,
angan ker tulsi ekhanahisan
aripan hit lalchayal achhi.
ghanshyam jena agutayal achhi.
ghanshyam jena agutayal achhi.
aangi hariyar pahiri dharani jani
ancharasan udhiayal achhi.
bhijal kadmak thaDhik chumban
hit puriba lalchayal,
dharani nayan ker rang jena
nab kaniya san alsayal
pahil ashaDhak pahile anubhav
san janu dubhi Derayal achhi.
dubari patari sarita ker
tanme, yauvan umDal achhi
aai achanak mon dukulak
kaskal achhi, maskal achhi
shyamak barjorime tat radha
ker, man bhasiyayal achhi.
khatak anchararame shasyak achhi
chhand ke itihasal
dharti ker jivan vanshime
ragak bajat payal,
badhak man janu chasak gitesan
ehikhan hariayal achhi.
kharihanak man umgal dekhal
angan hulsal, phulsal
chulhaken bihunsal dekhal tan
chinmari achhi chamkal,
angan ker tulsi ekhanahisan
aripan hit lalchayal achhi.
ghanshyam jena agutayal achhi.
स्रोत :
पुस्तक : अवान्तर (पृष्ठ 43)रचनाकार : मायानन्द मिश्र
प्रकाशन : मैथिली चेतना परिषद्, सहरसा
संस्करण : 1977
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
