kisi veshya ne ek sapna dekha ki ek brahman uske paas aaya aur uske saath sahvas kiya. subah ankh khulne par usne apne naukron ko us brahman ka huliya bataya aur usse uski seva ka daam vasulne ko kaha. naukron ne brahman ko raste par ja pakDa aur use sari baat samjhakar daam chukane ko kaha. brahman ko kato to khoon nahin! usne kaha ki wo iske bare mein kuch nahin janta. pichhli raat wo apni patni ke saath ghar par so raha tha. aur na hi uske paas dene ke liye paise hi hain. par veshya ke naukron ne uska pinD nahin chhoDa. wo giDgiDaya, vinti ki, par unke kaan par joon bhi nahin rengi. tamasha dekhne ke liye raah chalte logon ki bheeD lag gai. raja ko iski suchana mili to usne veshya aur brahman ko darbar mein talab kiya.

veshya ne kaha, “mere grahak ko meri seva ka mol chukana paDta hai. kal raat ye adami mere sapne mein aaya aur sukh bhoga. isne mere saath kya kya kiya main aapko bata nahin sakti. uski qimat to ise chukani hi hogi. ”

raja ne kaha, “theek hai, tumhein tumhari qimat milegi, par uske liye tumhein thoDa intzaar karna paDega. ”

raja ne gali mein ek khambha gaDne ka adesh diya. khambhe ke uupri chhor par chandi ke sikkon ki ek thaili bandhvai aur niche zamin par ek aina rakhva diya.

phir raja ne veshya se kaha, “aine mein haath Dalkar apne rupe le lo! ye rupe tumhare hain. ”

veshya chakra gai. kahne lagi, “aine mein haath Dalkar main rupe kaise le sakti hoon? mujhe asli rupe chahiye jo us thaili mein hain. ”

raja ne kaha, “nahin, ve rupe tumhare nahin hain. brahman sapne mein tumhare paas aaya tha. aine mein jo rupe tum dekh rahi ho vahi tumhari qimat ka sahi bhugtan hai. ”

kisi veshya ne ek sapna dekha ki ek brahman uske paas aaya aur uske saath sahvas kiya. subah ankh khulne par usne apne naukron ko us brahman ka huliya bataya aur usse uski seva ka daam vasulne ko kaha. naukron ne brahman ko raste par ja pakDa aur use sari baat samjhakar daam chukane ko kaha. brahman ko kato to khoon nahin! usne kaha ki wo iske bare mein kuch nahin janta. pichhli raat wo apni patni ke saath ghar par so raha tha. aur na hi uske paas dene ke liye paise hi hain. par veshya ke naukron ne uska pinD nahin chhoDa. wo giDgiDaya, vinti ki, par unke kaan par joon bhi nahin rengi. tamasha dekhne ke liye raah chalte logon ki bheeD lag gai. raja ko iski suchana mili to usne veshya aur brahman ko darbar mein talab kiya.

veshya ne kaha, “mere grahak ko meri seva ka mol chukana paDta hai. kal raat ye adami mere sapne mein aaya aur sukh bhoga. isne mere saath kya kya kiya main aapko bata nahin sakti. uski qimat to ise chukani hi hogi. ”

raja ne kaha, “theek hai, tumhein tumhari qimat milegi, par uske liye tumhein thoDa intzaar karna paDega. ”

raja ne gali mein ek khambha gaDne ka adesh diya. khambhe ke uupri chhor par chandi ke sikkon ki ek thaili bandhvai aur niche zamin par ek aina rakhva diya.

phir raja ne veshya se kaha, “aine mein haath Dalkar apne rupe le lo! ye rupe tumhare hain. ”

veshya chakra gai. kahne lagi, “aine mein haath Dalkar main rupe kaise le sakti hoon? mujhe asli rupe chahiye jo us thaili mein hain. ”

raja ne kaha, “nahin, ve rupe tumhare nahin hain. brahman sapne mein tumhare paas aaya tha. aine mein jo rupe tum dekh rahi ho vahi tumhari qimat ka sahi bhugtan hai. ”