बंदों श्री पद पद्म बंधु तनया, स्यामा प्रिया स्याम की।
कालिंदी कल कूल केलि सलिला, धारा-धरा धाम की।
पूर्णानंद करी सदैव सुभगा, सारा सभी काम की।
प्यारी ‘प्रीतम’ प्रान पुन्य फलदा, सोभा सु-विश्राम की॥
जम फाँस की त्रास बिनास के बेग सदा तट बास कौ ही बर दै।
कवि ‘प्रीतम’ पाप पहारन कों निज कूल कछारन में छर दै।
भव बैभव भाग के भौनहि में स्व सुभाउ ते भामते ही भर दै।
जमुने सुख बारिद की झर दै, अरु मो दुख दारिद कों दर दै॥
भाखें जमराज सुनों सेबक हमारे सब
काहू मानुस कों लाइबे कौ धर्म ना है रे
‘प्रीतम’ कवि जेते या जग माँहि पापी जन
जमना नहाइ तिन्हें रहै भ्रम ना है रे
या ही सों तुम सों बात खोलि कें कहत आज
मेरी गम ना है तौ तिहारी गम ना है रे
आस जमना है जाके, पास जाम ना है वहाँ
बास जमना है तहाँ त्रास जम ना है रे
निकट बसाइ जनु गोद में बिठाइ मन
मोद में मढ़ाइ लियौ दारिद निकंदिनी
कियौ है मुकुंद पद सेबक स्व्छंद पाइ
मुकुन्द रति वर्द्धिनी अमित अनंदिनी
चार फल दायिनी प्रदायिनी मनोरथ की
तुम सी तुम्हीं हौ मातु सग-जग बंदिनी
‘प्रीतम’ सुकवि अघ बृंदन प्रभंजनी जु
बंदों पद पद्म कालिंद गिरि नंदिनी
रोग-हर, ताप-हर, दु:ख-हर, दया-कर
दीन जान, आन मम गेह माँहि रहियै
‘प्रीतम’ सुकवि वाक-सिद्धि, बुद्धि-सुद्धि हेतु
बैठि रसना पै, देवि! साँच-साँच कहियै
बैभव की बृद्धि होइ, सुख में समृद्धि होइ
दीजै बरदान मोहि जो जो जब चहियै
लाज कौ जहाज़ आज बूढ़ौ जात-जाति मध्य
तासों माँ उबारिबे कौं, बेगि बाँह गहियै
[कवि के जीवन में एक विशेष घटना पर उद्भूत छंद]
जमना जब नाम कढै मुख ते, सुनते तब पास रहै जम ना
जम नाम न राखत खातेन में, जिनके जिय आन बसी जमना
जमना के प्रसाद भए कवि ‘प्रीतम’ गावत त्यों तब ते जु मना
भज रे जमना, जप रे जमना, जित है जमना, तित है जम ना
अब जो जनमों तो बसौं जमना तट, औ तनु मानुस कौ ही जु धारौं
कवि ‘प्रीतम’ जू रसना सों सदा, रस नाम गुपालहि कौ सु उचारौं
निरधारौं यही मन में इक आस प्रभो, ह्वै निरास न ताहि बिसारौं
जिति केलि कला तुम कीन्हीं, वही ब्रज के बन-बाग-तड़ाग निहारौं
हौं तो हौं जु टेरौ चेरौ, तेरौ ह्वै बन्यौ ही रहौं
या ही आन-बान कौं सु धारियै श्री यमुने
पातक अनेक एक आसरौ तिहारौ बड़ौ
अडौ खडौ द्वार पै निबारियै श्री यमुने
‘प्रीतम’ मनोरथन पूरन करन बेगि
ध्यान के धरत ही पधारियै श्री यमुने
राज औ समाज के सु काज हित आज मेरे
लाज के जहाज कौं सँभारियै श्री यमुने
जुगन विताने सब जतन सिराने तब
भागीरथ ठाने ब्रत माने सुख मंद ना
ब्रह्म जब लाने केस संकर सुहाने पुनि
धरा पै गिराने हेतु राखे कछु फंद ना
पूर्वज तराने सुनि देव हरसाने पुन्य—
पुंज सरसाने भए, अघ्घर अनंद ना
‘प्रीतम’ वौ कविंद ना सु छंदना अमंद ना
जो न नर गावत गौरि गंगा की वंदना
अघ-घर=अघ्घर
bandon shri pad padm bandhu tanaya, syama priya syaam ki.
kalindi kal kool keli salila, dhara dhara dhaam ki.
purnanand kari sadaiv subhga, sara sabhi kaam ki.
pyari ‘pritam’ praan punya phalda, sobha su vishram kee॥
jam phaans ki traas binas ke beg sada tat baas kau hi bar dai.
kavi ‘pritam’ paap paharan kon nij kool kachharan mein chhar dai.
bhav baibhav bhaag ke bhaunahi mein sva subhau te bhamte hi bhar dai.
jamune sukh barid ki jhar dai, aru mo dukh darid kon dar dai॥
bhakhen jamraj sunon sebak hamare sab
kahu manus kon laibe kau dharm na hai re
‘pritam’ kavi jete ya jag manhi papi jan
jamna nahai tinhen rahai bhram na hai re
ya hi son tum son baat kholi ken kahat aaj
meri gam na hai tau tihari gam na hai re
aas jamna hai jake, paas jaam na hai vahan
baas jamna hai tahan traas jam na hai re
nikat basai janu god mein bithai man
mod mein maDhai liyau darid nikandini
kiyau hai mukund pad sebak svchhand pai
mukund rati varddhini amit anandini
chaar phal dayini prdayini manorath ki
tum si tumhin hau matu sag jag bandini
‘pritam’ sukvi agh brindan prbhanjni ju
bandon pad padm kalind giri nandini
rog har, taap har, duhakh har, daya kar
deen jaan, aan mam geh manhi rahiyai
‘pritam’ sukvi vaak siddhi, buddhi suddhi hetu
baithi rasna pai, devi! saanch saanch kahiyai
baibhav ki briddhi hoi, sukh mein samriddhi hoi
dijai bardan mohi jo jo jab chahiyai
laaj kau jahaz aaj buDhau jaat jati madhya
tason maan ubaribe kaun, begi baanh gahiyai
[kavi ke jivan mein ek vishesh ghatna par udbhut chhand]
jamna jab naam kaDhai mukh te, sunte tab paas rahai jam na
jam naam na rakhat khaten mein, jinke jiy aan basi jamna
jamna ke parsad bhe kavi ‘pritam’ gavat tyon tab te ju mana
bhaj re jamna, jap re jamna, jit hai jamna, tit hai jam na
ab jo janmon to basaun jamna tat, au tanu manus kau hi ju dharaun
kavi ‘pritam’ ju rasna son sada, ras naam gupalahi kau su ucharaun
nirdharaun yahi man mein ik aas prbho, hvai niras na tahi bisaraun
jiti keli kala tum kinhin, vahi braj ke ban baag taDag niharaun
haun to haun ju terau cherau, terau hvai banyau hi rahaun
ya hi aan baan kaun su dhariyai shri yamune
patak anek ek asrau tiharau baDau
aDau khaDau dvaar pai nibariyai shri yamune
‘pritam’ manorthan puran karan begi
dhyaan ke dharat hi padhariyai shri yamune
raaj au samaj ke su kaaj hit aaj mere
laaj ke jahaj kaun sanbhariyai shri yamune
jugan vitane sab jatan sirane tab
bhagirath thane brat mane sukh mand na
brahm jab lane kes sankar suhane puni
dhara pai girane hetu rakhe kachhu phand na
purvaj tarane suni dev harsane punya—
punj sarsane bhe, aghghar anand na
‘pritam’ vau kavind na su chhandna amand na
jo na nar gavat gauri ganga ki vandna
agh ghar=aghghar
bandon shri pad padm bandhu tanaya, syama priya syaam ki.
kalindi kal kool keli salila, dhara dhara dhaam ki.
purnanand kari sadaiv subhga, sara sabhi kaam ki.
pyari ‘pritam’ praan punya phalda, sobha su vishram kee॥
jam phaans ki traas binas ke beg sada tat baas kau hi bar dai.
kavi ‘pritam’ paap paharan kon nij kool kachharan mein chhar dai.
bhav baibhav bhaag ke bhaunahi mein sva subhau te bhamte hi bhar dai.
jamune sukh barid ki jhar dai, aru mo dukh darid kon dar dai॥
bhakhen jamraj sunon sebak hamare sab
kahu manus kon laibe kau dharm na hai re
‘pritam’ kavi jete ya jag manhi papi jan
jamna nahai tinhen rahai bhram na hai re
ya hi son tum son baat kholi ken kahat aaj
meri gam na hai tau tihari gam na hai re
aas jamna hai jake, paas jaam na hai vahan
baas jamna hai tahan traas jam na hai re
nikat basai janu god mein bithai man
mod mein maDhai liyau darid nikandini
kiyau hai mukund pad sebak svchhand pai
mukund rati varddhini amit anandini
chaar phal dayini prdayini manorath ki
tum si tumhin hau matu sag jag bandini
‘pritam’ sukvi agh brindan prbhanjni ju
bandon pad padm kalind giri nandini
rog har, taap har, duhakh har, daya kar
deen jaan, aan mam geh manhi rahiyai
‘pritam’ sukvi vaak siddhi, buddhi suddhi hetu
baithi rasna pai, devi! saanch saanch kahiyai
baibhav ki briddhi hoi, sukh mein samriddhi hoi
dijai bardan mohi jo jo jab chahiyai
laaj kau jahaz aaj buDhau jaat jati madhya
tason maan ubaribe kaun, begi baanh gahiyai
[kavi ke jivan mein ek vishesh ghatna par udbhut chhand]
jamna jab naam kaDhai mukh te, sunte tab paas rahai jam na
jam naam na rakhat khaten mein, jinke jiy aan basi jamna
jamna ke parsad bhe kavi ‘pritam’ gavat tyon tab te ju mana
bhaj re jamna, jap re jamna, jit hai jamna, tit hai jam na
ab jo janmon to basaun jamna tat, au tanu manus kau hi ju dharaun
kavi ‘pritam’ ju rasna son sada, ras naam gupalahi kau su ucharaun
nirdharaun yahi man mein ik aas prbho, hvai niras na tahi bisaraun
jiti keli kala tum kinhin, vahi braj ke ban baag taDag niharaun
haun to haun ju terau cherau, terau hvai banyau hi rahaun
ya hi aan baan kaun su dhariyai shri yamune
patak anek ek asrau tiharau baDau
aDau khaDau dvaar pai nibariyai shri yamune
‘pritam’ manorthan puran karan begi
dhyaan ke dharat hi padhariyai shri yamune
raaj au samaj ke su kaaj hit aaj mere
laaj ke jahaj kaun sanbhariyai shri yamune
jugan vitane sab jatan sirane tab
bhagirath thane brat mane sukh mand na
brahm jab lane kes sankar suhane puni
dhara pai girane hetu rakhe kachhu phand na
purvaj tarane suni dev harsane punya—
punj sarsane bhe, aghghar anand na
‘pritam’ vau kavind na su chhandna amand na
jo na nar gavat gauri ganga ki vandna
agh ghar=aghghar
स्रोत :
रचनाकार : यमुना प्रसाद चतुर्वेदी
प्रकाशन : हिन्दवी के लिए लेखक द्वारा चयनित
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
