निर्गुन सगुन कहत जिहिं बेद।

निज इच्छा बिस्तारि बिबिध बिधि बहु अनवहो दिखावत भेद॥

आप अलिप्त लिप्त लीला रचि, करत कोटि ब्रह्मांड बिलास।

शुद्ध, सत्व, पर के परमेसुर, जुगलकिशोर सकल सुख रास॥

अनंत-सक्ति आधीस अचिंतक, ऐश्वर्यादि आखिल गुनधाम।

सब कारन के कर्ता धर्ता, नित नैमित्य नियंता स्याम॥

सकल लोक चूड़ामनि जोरी, घोरी रस माधुर्य असेस।

कोटि-कोटि कंदर्प दर्पदलमलन मनोहर बिसद सुवेस॥

पारावरादि असत-सत-स्वामी, निरवधि नामी नामनिकाय।

नित्य-सिद्ध सर्बोपरि ‘हरि-प्रिया’, सब सुखदायक सहज सुभाय॥