पाघ न बांधां पिलंग न पोढ़ां
pagh na bandhan pilang na poDhan
पाघ न बांधां पिलंग न पोढ़ां, इण खोटै संसारूं।
अंजन छोड निरंजन ध्यावां, हुय ध्यावां हुसियारूं।
माया छोड हुवा वनवासी, जाप जप्या निरकारूं।
एकलवाही गुरु फरमाई, राच्या हो कांई राज दुवारूं।
राज दुवारां ईसर बाबो, भळकंतै दीदारूं।
दीदार सरेवो कांनड़ बाबो, जुग जुग दैत सिंघारूं।
दुनियां में समझाऊ आया (मेल्या), तात्या कई गिंवारूं।
समझाया पण समझै नाहीं, परलै गया अहंकारूं।
बुध सूं वाद रच्यो दुरजोधन, जंभि भींव जुंहारूं।
सोना रूंपा साहण वाहण, सबही गयो गुदारूं।
इंद भवन सारंगनै सिंवरो, जो जळ हुंता खारूं।
पहलो राजा वासक सिंवरां, सैंस फणां सिकदारूं।
दूजो धवळो धोरी सिंवरां, धरती धरण उधारूं।
तन म्हारो धरती पर पोढै, गुरु म्हारा पार ज पारूं।
रतन काया म्हे इण पर पोढ़ां, (जद लग ही उर बारूं) जद लग पिंड उबालें।
इतरा सबद हुवै सब साचा, कवळ्यो कांन चितारूं।
सुरगां हुंता दोय रथ आया, जां जढ पौंहता पारूं।
गुरु प्रसादे गोरख वचने (श्रीदेव) जसनाथ(जी) असली ज्ञान विचारूं।
- पुस्तक : सबद ग्रंथ (पृष्ठ 188)
- संपादक : सूर्य शंकर पारेक
- रचनाकार : जसनाथ
- प्रकाशन : श्री देव जसनाथ सिद्धाश्रम (बाड़ी) धर्मनाथ ट्रस्ट बीकानेर (राज.)
- संस्करण : 1996
हिंदी क्षेत्र की भाषाओं-बोलियों का व्यापक शब्दकोश : हिन्दवी डिक्शनरी
‘हिन्दवी डिक्शनरी’ हिंदी और हिंदी क्षेत्र की भाषाओं-बोलियों के शब्दों का व्यापक संग्रह है। इसमें अंगिका, अवधी, कन्नौजी, कुमाउँनी, गढ़वाली, बघेली, बज्जिका, बुंदेली, ब्रज, भोजपुरी, मगही, मैथिली और मालवी शामिल हैं। इस शब्दकोश में शब्दों के विस्तृत अर्थ, पर्यायवाची, विलोम, कहावतें और मुहावरे उपलब्ध हैं।
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
