सोना-चाँदी कै बखार, ई हमार देसवा।
ये कै महिमा वा अपार, ई हमार देसवा।
होत भिनउखा कोयल कुहकै,
बइठि आम की डारी।
राम-राम कहि टेरै सुगना,
मैना गावै गारी।
सोहै अँगना-दुआर, ई हमार देसवा।
ये कै महिमा बा अपार, ई हमार देसवा।
कबौ चलै पछियाँव बयरिया,
कबौ चलै पुरवइया।
पगडंडी मा चुरुर-मुरुर,
बोलै गाड़ी कै पहिया।
सारे जग कै लिलार, ई हमार देसवा।
ये कै महिमा बा अपार, ई हमार देसवा।
जगह-जगह पै ताल तलइया,
खेत सजै हरियाली।
कतौ चना गदरान,
कतौ हलरै गोहूँ के बाली।
झूमै नेमुआ-अनार, ई हमार देसवा।
ये कै महिमा बा अपार, ई हमार देसवा।
माठा-रोटी खाइ पहरुअै,
जहाँ रखावैं सीमा।
छिन मा वै अपने दुस्मन कै,
मुँह कइ डावैं बीमा।
मारै बैरी ललकार, ई हमार देसवा।
वे कै महिमा वा अपार, ई हमार देसवा।
मंदिर-महजिद-गिरजा कुल,
एक्के प्रभु के प्रभुताई।
आठौ पहर सुखै-सुख बाँटे,
आपन धरती माई।
बहे अमिरित कै धार, ई हमार देसवा।
ये कै महिमा वा अपार, ई हमार देसवा।
यहिकै माटी माथे लावा,
आपन करतब जाना।
देसवा की रच्छा-हित पहिरा,
देसभक्ति कै बाना।
पूरा देस परिवार, ई हमार देसवा।
ये कै महिमा वा अपार, ई हमार देसवा।
- रचनाकार : अनीस देहाती
- प्रकाशन : हिन्दवी के लिए शैलेंद्र कुमार शुक्ल द्वारा चयनित
संबंधित विषय
हिंदी क्षेत्र की भाषाओं-बोलियों का व्यापक शब्दकोश : हिन्दवी डिक्शनरी
‘हिन्दवी डिक्शनरी’ हिंदी और हिंदी क्षेत्र की भाषाओं-बोलियों के शब्दों का व्यापक संग्रह है। इसमें अंगिका, अवधी, कन्नौजी, कुमाउँनी, गढ़वाली, बघेली, बज्जिका, बुंदेली, ब्रज, भोजपुरी, मगही, मैथिली और मालवी शामिल हैं। इस शब्दकोश में शब्दों के विस्तृत अर्थ, पर्यायवाची, विलोम, कहावतें और मुहावरे उपलब्ध हैं।
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
