हमसे न कहा जाई
हमका इ गवारा हय
बगिया से चला जाई
उल्लू क मुल कबूतर
हमसे न कहा जाई।
नेता क कही देउता
अउर पुलिस का फरिस्ता
गोबर क यारों हेलुवा
हमसे न कहा जाई।
जीवन तोरी अदा पर
करबै न छीछालेदर
अब जान के दलदल मा
हमसे न फँसा जाई।
अंडा के भाव आलू
चीनी के भाव बालू
किसमिस के भाव महुवा
हमसे न लिहा जाई।
हर रंज क सहि लेबय
फुटपाथ पर रहि लेबय
गदहा क बाप कबहूँ
हमसे न कहा जाई।
हर रंग कय महरानी
घेरे अहय गिरानी
विस्की के भाव ठर्रा
हमसे न लिहा जाई।
स्रोत :
- पुस्तक : जियौ बहादुर खद्दरधारी (पृष्ठ 28)
- संपादक : अटल तिवारी, अमरेन्द्र नाथ त्रिपाठी
- रचनाकार : रफ़ीक़ शादानी
- प्रकाशन : परिकल्पना, दिल्ली
- संस्करण : 2025
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
