आँधी चली केतना भूचाल आवा
तब जाइके ई नवा साल आवा
मनुस अपने अस्थान से हटि गवा जब
मुसाफिर कय गठरी गला कटि गवा जब
डकैती कय सामान सब बँटि गवा जब
पता नाहीं केहिकै टरंकाल आवा
तब जाइके ई नवा साल आवा।
सगरी बुराइन कय हद होइ गई जब
गरीबी कय फरियाद रद होइ गई जब
इन्सानियत केर भद होइ गई जब
स्वागत करै का जौ चंडाल आवा
तब जाइके ई नवा साल आवा।
असली भगत जौ करै तोर पूजा
ओका मिलै खाय का आलू भूजा
पंडित औ मुल्ला कय हय काम दूजा
वनहीं के हिस्से मा तर माल आवा
तब जाइके ई नवा साल आवा।
जाड़े कय मौसम दुहाई-दुहाई
बिलोकी मियाँ खाँय मुर्गा मलाई
नेता के कमरे मा गद्दा रजाई
सायर के हिस्से मा तिरपाल आवा
तब जाइके ई नवा साल आवा।
andhi chali ketna bhuchal aava
tab jaike ii nava saal aava
manus apne asthan se hati gava jab
musaphir kay gathri gala kati gava jab
Dakaiti kay saman sab banti gava jab
pata nahin kehikai tarankal aava
tab jaike ii nava saal aava.
sagri burain kay had hoi gai jab
garibi kay phariyad rad hoi gai jab
insaniyat ker bhad hoi gai jab
svagat karai ka jau chanDal aava
tab jaike ii nava saal aava.
asli bhagat jau karai tor puja
oka milai khaay ka aalu bhuja
panDit au mulla kay hay kaam duja
vanhin ke hisse ma tar maal aava
tab jaike ii nava saal aava.
jaDe kay mausam duhai duhai
biloki miyan khanya murga malai
neta ke kamre ma gadda rajai
sayar ke hisse ma tirpal aava
tab jaike ii nava saal aava.
andhi chali ketna bhuchal aava
tab jaike ii nava saal aava
manus apne asthan se hati gava jab
musaphir kay gathri gala kati gava jab
Dakaiti kay saman sab banti gava jab
pata nahin kehikai tarankal aava
tab jaike ii nava saal aava.
sagri burain kay had hoi gai jab
garibi kay phariyad rad hoi gai jab
insaniyat ker bhad hoi gai jab
svagat karai ka jau chanDal aava
tab jaike ii nava saal aava.
asli bhagat jau karai tor puja
oka milai khaay ka aalu bhuja
panDit au mulla kay hay kaam duja
vanhin ke hisse ma tar maal aava
tab jaike ii nava saal aava.
jaDe kay mausam duhai duhai
biloki miyan khanya murga malai
neta ke kamre ma gadda rajai
sayar ke hisse ma tirpal aava
tab jaike ii nava saal aava.
स्रोत :
पुस्तक : जियौ बहादुर खद्दरधारी (पृष्ठ 39)संपादक : अटल तिवारी, अमरेन्द्र नाथ त्रिपाठी रचनाकार : रफ़ीक़ शादानी
प्रकाशन : परिकल्पना, दिल्ली
संस्करण : 2025
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
