केहु बइठि दुवारे तपता मा चैली कंडी सुलगाये बा।
केहु भूंजत बा आलू गँजी केहु गोलका भाँटा डाए बा।
केहु मगन अहै अखबार लिहे केहु मगन चाय की चुस्की मा।
केहु लेहे खरहरा जुटा अहै बोलियात अहै केहु मुस्की मा।
अब तुहीं बतावा भइया हम केहसे बतियाई जाड़ा मा।
कउनी...
खेते मेड़े कुल ओस परी चारिउ मू कुहिरा ताए बा।
सूरज देउता ओलियान अहैं ऊपर से बदरी छाए बा।
सब पसु पक्षी होइके बेहाल काँपत बाटेन गुर गुर गुर गुर।
उप्पर से पछुवा बहति अहै सुर सुर सुर सुर सुर सुर सुर सुर।
चारिउ मूं सबके चेहरा पै मायूसी छाई जाड़ा माँ।
कउनी...
मनई कै हाल बताई का टोपी पै मोफलर बाँधे बा।
ऊनी सुइटर, मोटकवा कोट ऊपर से कमरी काँधे बा।
केहु ओढ़ि रजाई घुसुरा बा, ओहकै भिनसारै होत न बा।
मुल बड़ा बहादुर बाटै ऊ जेकरे ठंढी माँ ओत न बा।
मन कहै भिनौखै हमहूँ उठिके दौड़ि लगाई जाड़ा माँ।
कउनी...
ओनके हिम्मत कै जै बोला जे कलब्बास माँ परा अहैं।
साधू संतन कै भीड़ लागि दुनिया कै मनई भरा अहैं।
सब जने भोरहरे उठि मारैं डुबकी गंगा के पानी माँ।
गीता रामायन कै गियान सब साधु संत की बानी माँ।
अबकी बसंत माँ लरिकन का संगम नहवाई जाड़ा माँ।
कउनी...
जेहका देखा ओढ़े-बीढ़े कतहूँ बइठा ओतियात अहै।
केहु खोले हाल परोसी कै चुटकी लै लै बतियात अहै।
केहु कहै उ कइसे बढ़त अहै ऊ कैसे रोटी तोरत बा।
जे इरखादोखी अहै भाय ऊ यही माँ खोपड़ी फोरत बा।
हम सुनत अही रामायन कै असली चौपाई जाड़ा माँ।
कउनी...
कुछ जने तबै दतुइन करिहैं जौ आलू मटर तली जाए।
वै रोज निमोना बनवइहैं जब तक ना मटर चली जाए।
जाड़ा माँ अक्सर ई जिभियौ बस लॉयपायँ खोब करा करै।
जउनी मूं देखै छनन मनन बस दौड़ि ओही मूं परा करै।
मन कहै पकौड़ी मलकिन के हाँथे तलवाई जाड़ा माँ।
कउनी...
kehu baithi duvare tapta ma chaili kanDi sulgaye ba.
kehu bhunjat ba aalu ganji kehu golka bhanta Daye ba.
kehu magan ahai akhbar lihe kehu magan chaay ki chuski ma.
kehu lehe kharahra juta ahai boliyat ahai kehu muski ma.
ab tuhin batava bhaiya hum kehse batiyai jaDa ma.
kauni. . .
khete meDe kul os pari chariu mu kuhira taye ba.
suraj deuta oliyan ahain uupar se badri chhaye ba.
sab pasu pakshi hoike behal kanpat baten gur gur gur gur.
uppar se pachhuva bahati ahai sur sur sur sur sur sur sur sur.
chariu moon sabke chehra pai mayusi chhai jaDa maan.
kauni. . .
manii kai haal batai ka topi pai mophlar bandhe ba.
uuni suitar, motakva kot uupar se kamari kandhe ba.
kehu oDhi rajai ghusura ba, ohakai bhinsarai hot na ba.
mul baDa bahadur batai uu jekre thanDhi maan ot na ba.
man kahai bhinaukhai hamhun uthike dauDi lagai jaDa maan.
kauni. . .
onke himmat kai jai bola je kalabbas maan para ahain.
sadhu santan kai bheeD lagi duniya kai manii bhara ahain.
sab jane bhorahre uthi marain Dubki ganga ke pani maan.
gita ramayan kai giyan sab sadhu sant ki bani maan.
abki basant maan larikan ka sangam nahvai jaDa maan.
kauni. . .
jehka dekha oDhe biDhe kathun baitha otiyat ahai.
kehu khole haal parosi kai chutki lai lai batiyat ahai.
kehu kahai u kaise baDhat ahai uu kaise roti torat ba.
je irkhadokhi ahai bhaay uu yahi maan khopaDi phorat ba.
hum sunat ahi ramayan kai asli chaupai jaDa maan.
kauni. . .
kuch jane tabai datuin karihain jau aalu matar tali jaye.
vai roj nimona banavaihain jab tak na matar chali jaye.
jaDa maan aksar ii jibhiyau bas lauyapayan khob kara karai.
jauni moon dekhai chhanan manan bas dauDi ohi moon para karai.
man kahai pakauDi malkin ke hanthe talvai jaDa maan.
kauni. . .
kehu baithi duvare tapta ma chaili kanDi sulgaye ba.
kehu bhunjat ba aalu ganji kehu golka bhanta Daye ba.
kehu magan ahai akhbar lihe kehu magan chaay ki chuski ma.
kehu lehe kharahra juta ahai boliyat ahai kehu muski ma.
ab tuhin batava bhaiya hum kehse batiyai jaDa ma.
kauni. . .
khete meDe kul os pari chariu mu kuhira taye ba.
suraj deuta oliyan ahain uupar se badri chhaye ba.
sab pasu pakshi hoike behal kanpat baten gur gur gur gur.
uppar se pachhuva bahati ahai sur sur sur sur sur sur sur sur.
chariu moon sabke chehra pai mayusi chhai jaDa maan.
kauni. . .
manii kai haal batai ka topi pai mophlar bandhe ba.
uuni suitar, motakva kot uupar se kamari kandhe ba.
kehu oDhi rajai ghusura ba, ohakai bhinsarai hot na ba.
mul baDa bahadur batai uu jekre thanDhi maan ot na ba.
man kahai bhinaukhai hamhun uthike dauDi lagai jaDa maan.
kauni. . .
onke himmat kai jai bola je kalabbas maan para ahain.
sadhu santan kai bheeD lagi duniya kai manii bhara ahain.
sab jane bhorahre uthi marain Dubki ganga ke pani maan.
gita ramayan kai giyan sab sadhu sant ki bani maan.
abki basant maan larikan ka sangam nahvai jaDa maan.
kauni. . .
jehka dekha oDhe biDhe kathun baitha otiyat ahai.
kehu khole haal parosi kai chutki lai lai batiyat ahai.
kehu kahai u kaise baDhat ahai uu kaise roti torat ba.
je irkhadokhi ahai bhaay uu yahi maan khopaDi phorat ba.
hum sunat ahi ramayan kai asli chaupai jaDa maan.
kauni. . .
kuch jane tabai datuin karihain jau aalu matar tali jaye.
vai roj nimona banavaihain jab tak na matar chali jaye.
jaDa maan aksar ii jibhiyau bas lauyapayan khob kara karai.
jauni moon dekhai chhanan manan bas dauDi ohi moon para karai.
man kahai pakauDi malkin ke hanthe talvai jaDa maan.
kauni. . .
स्रोत :
रचनाकार : अनुज नागेंद्र
प्रकाशन : हिन्दवी के लिए लेखक द्वारा चयनित
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
