इण धर राजा इंद भणीजै
in dhar raja ind bhanijai
इण धर राजा इंद भणीजै, सो म्हाराज कुहागूं।
राजा राव नै आगळ हुवा, जां कोई गरभ न आणूं।
इण घर पर छै चकवै हुवा, जां कोई गरभ न आणूं।
गरभ कियो उण चकवै चकवी, रैण विछोड़ो पाणूं।
गरभ कियो रतनागर सागर, नीर खारो कर डार्यो।
गरभ कियो बागां री कोयल, रंग कुरंग कर डार्यो।
गरभ कर्यो उण वन री चिरमी, मुख काळो कर डार्यो।
गरभ कियो लंकापत रावण, तोड़्यो सबळ ठिकाणूं।
मंदोदर रै कैये न मान्यो, जंभि राज गमाणूं।
वन में जाय सताया तपसी, काया अंश ज ताणूं।
सतजुग में पैळादो सीधो, जां सिव संकर जाणूं।
तेता जुग में राव हरीचंद, जां सत सील भखाणूं।
जोग दुवा पर पांचूं पांडू, जां भगवान पिछाणूं।
भगवों बानो हितकर मानो, जुग जुग जसवंत जाणूं।
भगवैं सू चोळ करी दुरजोधन, जातां नांव न जाणूं।
गरभ करै ना गेला घड़सी, ओ थारो राज न जाणूं
राज दियो म्हे लूणकरणनै, गुरु गोरख परवाणूं।
उनथ नाथां अनवी निवावां, करां जिको मन भाणू।
तीन लोक रा नाथ भणीजां, थळसर रचियो थाणूं।
काळंग मारां कुळ वरतावां, निकळंक नांव कुहाणूं।
गुरु प्रसादे गोरख वचने, (श्रीदेव) जसनाथ (जी)
असली वेद बखाणू।
- पुस्तक : सबद ग्रंथ (पृष्ठ 175)
- संपादक : सूर्य शंकर पारेक
- रचनाकार : जसनाथ
- प्रकाशन : श्री देव जसनाथ सिद्धाश्रम (बाड़ी) धर्मनाथ ट्रस्ट बीकानेर (राज.)
- संस्करण : 1996
हिंदी क्षेत्र की भाषाओं-बोलियों का व्यापक शब्दकोश : हिन्दवी डिक्शनरी
‘हिन्दवी डिक्शनरी’ हिंदी और हिंदी क्षेत्र की भाषाओं-बोलियों के शब्दों का व्यापक संग्रह है। इसमें अंगिका, अवधी, कन्नौजी, कुमाउँनी, गढ़वाली, बघेली, बज्जिका, बुंदेली, ब्रज, भोजपुरी, मगही, मैथिली और मालवी शामिल हैं। इस शब्दकोश में शब्दों के विस्तृत अर्थ, पर्यायवाची, विलोम, कहावतें और मुहावरे उपलब्ध हैं।
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
