बूड़ै मजधरवा माँ नइया मोरि खेवइया के बिना।
भाँग खाय के माँझी सोवै नाव भंवर माँ नाचै।
सब के नशा चड़ी कुरसी के के पतवार सवाचै।
पनिया भरिगा मोरि नेवरिया उलचइया के बिना।
बूड़ै मजधरवा माँ नइया मोरि खेवइया के बिना॥
एक रहेन वै बूढ़ पुरनिया जौन लगायेन बगिया।
लरिका येस चपरहा भयेन कि बाँधि न पायेन टटिया।
देखा चरिगै फुलवरिया रखवइया के बिना।
बूड़ै मजधरवा माँ नइया मोरि खेवइया के बिना॥
प्रजातंत्र के यहि बिरवन माँ जब-जब लाग टिकोरा।
केहू ना पाइस चटनिव भर का केउ तोरिस भरि झोरा।
मोरौ हींसा नाहीं लागै बटवइया के बिना।
बूड़ै मजधरवा माँ नइया मोरि खेवइया के बिना॥
मानचित्र माँ सरहद सिकुरी नई बनी अब रेखा।
ब्रह्मपुत्र औ मानसरोवर कहाँ गवा अब देखा।
लुटिगै शंकर कै दुअरिया तकवइया के बिना।
बूड़ै मजधरवा माँ नइया मोरि खेवइया के बिना॥
ककरीली, पथरीली भुइयाँ महतारिन तो आटै।
यहि कै दशा देखि के भइया रहि-रहि छतिया फाटै।
डाँका परिगा मोरि नगरिया घर देखइया के बिना।
बूड़ै मजधरवा माँ नइया मोरि खेवइया के बिना॥
- रचनाकार : जुमई खाँ 'आजाद'
- प्रकाशन : हिन्दवी के लिए लेखक द्वारा चयनित
संबंधित विषय
हिंदी क्षेत्र की भाषाओं-बोलियों का व्यापक शब्दकोश : हिन्दवी डिक्शनरी
‘हिन्दवी डिक्शनरी’ हिंदी और हिंदी क्षेत्र की भाषाओं-बोलियों के शब्दों का व्यापक संग्रह है। इसमें अंगिका, अवधी, कन्नौजी, कुमाउँनी, गढ़वाली, बघेली, बज्जिका, बुंदेली, ब्रज, भोजपुरी, मगही, मैथिली और मालवी शामिल हैं। इस शब्दकोश में शब्दों के विस्तृत अर्थ, पर्यायवाची, विलोम, कहावतें और मुहावरे उपलब्ध हैं।
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
