बूड़ि उएह नहि जे
पाकल लताम के सिसोहऽ चाहैए
बूड़ि थिक ओहो जे
ओहि लताम के सोहऽ चाहैए।
अर्थात्
बूड़िअहु बनऽ ले किछु करऽ पड़ै छै
पाकल लताम के सोहऽ पड़ै छै।
ककरो अपन मुँह छै
बरु से बिजुकओने ओ अपन बैसल रहत
मुदा ककरा एतेक फुरसति छै जे
ओकरा केओ बूड़िअहु कहत।
बूडिअहु कहबऽ ले किछु करऽ पड़ै छै
पाकल लताम के सोहऽ पड़ै छै।
स्रोत :
- पुस्तक : अक्षर निर्क्षर (मैथिली काव्य-संग्रह) (पृष्ठ 63)
- रचनाकार : बुद्धिनाथ झा
- प्रकाशन : क्रिएटिव कैम्पस प्रकाशन, हैदराबाद
- संस्करण : 2015
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
