गीता गायत्री कै धरती, यहि दया धरम की माटी मा,
तप जोग साधना के मंदिर केसर की गमकत घाटी मा,
बर जहाँ राम, समधी दसरथ, गीतन मा लहरइ गंगा जल,
सीता सावित्री सुलगइँ दैजा की छुतही परिपाटी मा।
गै भरी माँग भा बड़ा जसन मुल टटकै अहिबतिया मरिगै।
दैजा कै मारी कलझि-कलझि पंडित कै परबतिया मरिगै।
तरुआ खियान तौ बर पाएस जब पुरखन के परताप भवा,
बगिया बेंचिस करजा काढ़िस दर-दर का रिनिहा बाप भवा,
समधी का मुँह होइ गवा टेंढ़ बर मड़ए से रिसियाइ गवा
दुरगा लछिमी की धरती पर कन्या कै जन्मै पाप भवा।
फाँसी पर लटकी रमरतिया, कुँअना मा सुरसतिया मरिगै,
दैजा कै मारी कलझि-कलझि पंडित कै परबतिया मरिगै।
माई की आँखिन कै पुतरी, बप्पा के राजदुलारी गै,
भउजी के मुह बोली ननदी, भइया कै बहिन पियारी गै,
दपकत निकरी मुल परी जाल मा बधिकन के होइके बेहाल
सँसवाई गै उललाई गै फिर तेल छिरिक के बारी गै।
सारी देहियाँ कलझारि उठी होतै आधी रतिया मरिगै,
दैजा कै मारी कलझि-कलझि पंडित कै परबतिया मरिगै।
ननदी पकड़ै, ससुआ मारै, देवरा झोंटी धै झूलि जाइ,
थोरी-थोरी बतिया लइके, ससुरउ कोखवा मा हूलि जाइ,
बिन दाना-पानी देंह जरी लुगरी मा लाज छिपाय रही
जेकरे साथे भाँवर घूमी ऊ आपन करतब भूलि जाइ।
बज्जर अस छतिया, भोगत-भोगत नाना दुरगतिया मरिगै,
दैजा कै मारी कलझिकलझि पंडित कै परबतिया मरिगै।
हाँथो जोरिस, गोड़उ पकड़िस, ऊ दया बरे घिघियान बहुत,
केतनउ उछरी केतनउ कूदी, जब सांसत भै अफतान बहुत,
सबके मूड़े चढ़िगा परेत, सबका करेज पाथर होइगा,
मुहना मा लत्ता ठूँसिन, जब रे बप्पा कहि चिल्लान बहुत।
जइसे कुँअना मा भाँग परी कुल घरवा कै मतिया मरिगै,
दैजा कै मारी कलझि-कलझि पंडित कै परबतिया मरिगै।
बा कहाँ दया, गा कहाँ धरम, कस परिपाटी कइसन समाज,
मनई कै जियरा टका सेर, ई कस नगरी, ई कौन राज,
सबके घर माटी का चूल्हा, सब फूँकै सब के आँस चुवै,
जे कभौं सिकारी बाज बने, ओनहू के मूड़े गिरै गाज।
आपन बिटिया रानी दुसरे कै कोहड़ा के बतिया मरिगै,
दैजा कै मारी कलझि-कलझि पंडित कै परबतिया मरिगै।
...
छंद
पेटे चढ़ा हुमकै छोटका, बड़का बगली लगि मारत भोंड़ा,
रात दिना कै चिचोर मँची, छतिया लरकी जनु पाकि के फोड़ा।
जे तरसै बिन कानी धिया ओहमं चितवै नहिं दैव निगोड़ा
पुरबज कै करनी बिगड़ी तब साल क साल औ जोड़ा क जोड़ा।
gita gayatri kai dharti, yahi daya dharam ki mati ma,
tap jog sadhana ke mandir kesar ki gamkat ghati ma,
bar jahan raam, samdhi dasrath, gitan ma laharai ganga jal,
sita savitri sulagain daija ki chhuthi paripati ma.
gai bhari maang bha baDa jasan mul tatakai ahibatiya marigai.
daija kai mari kalajhi kalajhi panDit kai parabatiya marigai.
tarua khiyan tau bar payes jab purkhan ke partap bhava,
bagiya benchis karja kaDhis dar dar ka riniha baap bhava,
samdhi ka munh hoi gava tenDh bar maDe se risiyai gava
durga lachhimi ki dharti par kanya kai janmai paap bhava.
phansi par latki ramaratiya, kunana ma surasatiya marigai,
daija kai mari kalajhi kalajhi panDit kai parabatiya marigai.
mai ki ankhin kai putri, bappa ke rajadulari gai,
bhauji ke muh boli nanadi, bhaiya kai bahin piyari gai,
dapkat nikri mul pari jaal ma badhikan ke hoike behal
sansvai gai ullai gai phir tel chhirik ke bari gai.
sari dehiyan kaljhari uthi hotai aadhi ratiya marigai,
daija kai mari kalajhi kalajhi panDit kai parabatiya marigai.
nanadi pakaDai, sasua marai, devara jhonti dhai jhuli jai,
thori thori batiya laike, sasurau kokhva ma huli jai,
bin dana pani denh jari lugri ma laaj chhipay rahi
jekre sathe bhanvar ghumi uu aapan kartab bhuli jai.
bajjar as chhatiya, bhogat bhogat nana duragatiya marigai,
daija kai mari kalajhikalajhi panDit kai parabatiya marigai.
hantho joris, goDau pakDis, uu daya bare ghighiyan bahut,
ketanau uchhri ketanau kudi, jab sansat bhai aphtan bahut,
sabke muDe chaDhiga paret, sabka karej pathar hoiga,
muhna ma latta thunsin, jab re bappa kahi chillan bahut.
jaise kunana ma bhaang pari kul gharva kai matiya marigai,
daija kai mari kalajhi kalajhi panDit kai parabatiya marigai.
ba kahan daya, ga kahan dharam, kas paripati kaisan samaj,
manii kai jiyra taka ser, ii kas nagri, ii kaun raaj,
sabke ghar mati ka chulha, sab phunkai sab ke aans chuvai,
je kabhaun sikari baaj bane, onhu ke muDe girai gaaj.
aapan bitiya rani dusre kai kohDa ke batiya marigai,
daija kai mari kalajhi kalajhi panDit kai parabatiya marigai.
. . .
chhand
pete chaDha humakai chhotka, baDka bagli lagi marat bhonDa,
raat dina kai chichor manchi, chhatiya larki janu paki ke phoDa.
je tarasai bin kani dhiya ohaman chitavai nahin daiv nigoDa
purbaj kai karni bigDi tab saal ka saal au joDa ka joDa.
gita gayatri kai dharti, yahi daya dharam ki mati ma,
tap jog sadhana ke mandir kesar ki gamkat ghati ma,
bar jahan raam, samdhi dasrath, gitan ma laharai ganga jal,
sita savitri sulagain daija ki chhuthi paripati ma.
gai bhari maang bha baDa jasan mul tatakai ahibatiya marigai.
daija kai mari kalajhi kalajhi panDit kai parabatiya marigai.
tarua khiyan tau bar payes jab purkhan ke partap bhava,
bagiya benchis karja kaDhis dar dar ka riniha baap bhava,
samdhi ka munh hoi gava tenDh bar maDe se risiyai gava
durga lachhimi ki dharti par kanya kai janmai paap bhava.
phansi par latki ramaratiya, kunana ma surasatiya marigai,
daija kai mari kalajhi kalajhi panDit kai parabatiya marigai.
mai ki ankhin kai putri, bappa ke rajadulari gai,
bhauji ke muh boli nanadi, bhaiya kai bahin piyari gai,
dapkat nikri mul pari jaal ma badhikan ke hoike behal
sansvai gai ullai gai phir tel chhirik ke bari gai.
sari dehiyan kaljhari uthi hotai aadhi ratiya marigai,
daija kai mari kalajhi kalajhi panDit kai parabatiya marigai.
nanadi pakaDai, sasua marai, devara jhonti dhai jhuli jai,
thori thori batiya laike, sasurau kokhva ma huli jai,
bin dana pani denh jari lugri ma laaj chhipay rahi
jekre sathe bhanvar ghumi uu aapan kartab bhuli jai.
bajjar as chhatiya, bhogat bhogat nana duragatiya marigai,
daija kai mari kalajhikalajhi panDit kai parabatiya marigai.
hantho joris, goDau pakDis, uu daya bare ghighiyan bahut,
ketanau uchhri ketanau kudi, jab sansat bhai aphtan bahut,
sabke muDe chaDhiga paret, sabka karej pathar hoiga,
muhna ma latta thunsin, jab re bappa kahi chillan bahut.
jaise kunana ma bhaang pari kul gharva kai matiya marigai,
daija kai mari kalajhi kalajhi panDit kai parabatiya marigai.
ba kahan daya, ga kahan dharam, kas paripati kaisan samaj,
manii kai jiyra taka ser, ii kas nagri, ii kaun raaj,
sabke ghar mati ka chulha, sab phunkai sab ke aans chuvai,
je kabhaun sikari baaj bane, onhu ke muDe girai gaaj.
aapan bitiya rani dusre kai kohDa ke batiya marigai,
daija kai mari kalajhi kalajhi panDit kai parabatiya marigai.
. . .
chhand
pete chaDha humakai chhotka, baDka bagli lagi marat bhonDa,
raat dina kai chichor manchi, chhatiya larki janu paki ke phoDa.
je tarasai bin kani dhiya ohaman chitavai nahin daiv nigoDa
purbaj kai karni bigDi tab saal ka saal au joDa ka joDa.
स्रोत :
पुस्तक : माटी औ महतारी (पृष्ठ 63)रचनाकार : आद्या प्रसाद 'उन्मत्त
प्रकाशन : अवधी अकादमी
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
