तपतै-तपतै धरती जब महगू कै आँवा अस बरइ लाग,
जब राह चलत पहलादी के गोड़े मा झलका परइ लाग,
भट्ठी मा जरत लुआठा अस कस के दुपहरिया मनमनान,
जब आगि-लागि गोड़े मूड़े लौं निकुरा तक पहुँचा परान।
जब मिरगिसिरा के चरनन से धरती से चिनगी उधिरानी।
छक छक छक छक बरसा पानी।
जब पेट ताल का पचकि गवा, घटि के पताल पहुँची कुँइया,
देंही का सब बस्तर उतारि जब हर जोतिन भंता फुइया,
जब पसु अफनाने खूटा पर खुंथा मा चिरई भै बेहाल,
पलटन' बोले हे हो लम्मू जानौ फिर से आवा अकाल।
धुरिया बरूद अस उड़ै लाग बिरछन कै पाती मुरझानी।
छक छक छक छक बरसा पानी।
परतै पानी धरती सोन्हान, पोता चूल्हा अस महक उठी,
जब चुई ओरौनी धार बाँधि, गुड़िया के अम्मा चहक उठी,
बालटी, कराही, बटुआ, गगरा दिहिन ओरौनी तर लगाइ,
जौने अमरित कै बूँद कहूँ कौनौ, कइती से बहि न जाइ।
लरिका जवान सब झूमि रहे बुढ़वत्र के जिउ कै हैरानी।
छक छक छक छक बरसा पानी।
डीघी तारा औ ताल चनौरा सब मिलके एकबरन भवा,
जइसे पहली परखा नाहीं, संगम का पहिला चरन भवा,
सब राह गली बंजर परती सगरौ गड़हा गड़ही भरिगै,
भरिगै झुरई के बर्दवान औ रमई के मड़ही भरिगै।
जे जहैं रहा ते तहैं मगन ग्यानी, बिग्यानी, अग्यानी।
छक छक छक छक बरसा पानी।
आपन रस्ता, आपन समाज, पीठी लादे आपन जोड़ी,
सहजोग सिखावत दुनिया का चलि परी राम जी कै घोड़ी,
सबके मन बढ़ि अकास लगा, चिउँटिउ के पखना लागि गवा,
मेघा जब बोले टर्र-टर्र खिसियाइ दरिद्दर भाग गवा।
बिजुरी चमकै तौ लागा थै जइसे ई धरती मुसुकानी।
छक छक छक छक बरसा पानी।
कलपै लागीं दुबिया, चकवड़ कै बिया तरे से कसमसान,
जइसे मुर्दा की देही मा अमरित परतै जागइ परान,
जड़ जंगम सबके पाप ताप महराजा इन्नर धोइ रहे,
धरती के बीर सपूते कन कन मा जिनगानी बोइ रहे।
देखतै-देखतै धरती मइया वह पहिरि लिहिन चूनर धानी।
छक छक छक छक बरसा पानी।
जन जन मंगल, कन कन मंगल, मंगल घर घर आँगन मंगल,
मंगल है सगरौ छाइ रहा, बस्ती बस्ती जंगल-जंगल,
कजरी, आल्हा, बंसरी, ढोल, लावनी, निरौनी के बहार,
जे थामै तरक असाढ़ तीन दिन ओकर नइया होई पार।
ई बीरन कै धरती भइया छाती फारै ओकर चानी।
छक छक छक छक बरसा पानी।
tapatai tapatai dharti jab mahgu kai anva as barai laag,
jab raah chalat pahladi ke goDe ma jhalka parai laag,
bhatthi ma jarat luatha as kas ke dupahriya manamnan,
jab aagi lagi goDe muDe laun nikura tak pahuncha paran.
jab miragisira ke charnan se dharti se chingi udhirani.
chhak chhak chhak chhak barsa pani.
jab pet taal ka pachaki gava, ghati ke patal pahunchi kuniya,
denhi ka sab bastar utari jab har jotin bhanta phuiya,
jab pasu aphnane khuta par khuntha ma chirii bhai behal,
paltan bole he ho lammu janau phir se aava akal.
dhuriya barud as uDai laag birchhan kai pati murjhani.
chhak chhak chhak chhak barsa pani.
paratai pani dharti sonhan, pota chulha as mahak uthi,
jab chui orauni dhaar bandhi, guDiya ke amma chahak uthi,
balati, karahi, batua, gagra dihin orauni tar lagai,
jaune amrit kai boond kahun kaunau, kaiti se bahi na jai.
larika javan sab jhumi rahe buDhvatr ke jiu kai hairani.
chhak chhak chhak chhak barsa pani.
Dighi tara au taal chanaura sab milke ekabran bhava,
jaise pahli parkha nahin, sangam ka pahila charan bhava,
sab raah gali banjar parti sagrau gaDha gaDhi bharigai,
bharigai jhurii ke bardvan au ramii ke maDhi bharigai.
je jahain raha te tahain magan gyani, bigyani, agyani.
chhak chhak chhak chhak barsa pani.
aapan rasta, aapan samaj, pithi lade aapan joDi,
sahjog sikhavat duniya ka chali pari raam ji kai ghoDi,
sabke man baDhi akas laga, chiuntiu ke pakhna lagi gava,
megha jab bole tarr tarr khisiyai dariddar bhaag gava.
bijuri chamakai tau laga thai jaise ii dharti musukani.
chhak chhak chhak chhak barsa pani.
kalapai lagin dubiya, chakvaD kai biya tare se kasamsan,
jaise murda ki dehi ma amrit paratai jagai paran,
jaD jangam sabke paap taap mahraja innar dhoi rahe,
dharti ke beer sapute kan kan ma jingani boi rahe.
dekhatai dekhatai dharti maiya wo pahiri lihin chunar dhani.
chhak chhak chhak chhak barsa pani.
jan jan mangal, kan kan mangal, mangal ghar ghar angan mangal,
mangal hai sagrau chhai raha, basti basti jangal jangal,
kajri, aalha, bansri, Dhol, lavni, nirauni ke bahar,
je thamai tarak asaDh teen din okar naiya hoi paar.
ii biran kai dharti bhaiya chhati pharai okar chani.
chhak chhak chhak chhak barsa pani.
tapatai tapatai dharti jab mahgu kai anva as barai laag,
jab raah chalat pahladi ke goDe ma jhalka parai laag,
bhatthi ma jarat luatha as kas ke dupahriya manamnan,
jab aagi lagi goDe muDe laun nikura tak pahuncha paran.
jab miragisira ke charnan se dharti se chingi udhirani.
chhak chhak chhak chhak barsa pani.
jab pet taal ka pachaki gava, ghati ke patal pahunchi kuniya,
denhi ka sab bastar utari jab har jotin bhanta phuiya,
jab pasu aphnane khuta par khuntha ma chirii bhai behal,
paltan bole he ho lammu janau phir se aava akal.
dhuriya barud as uDai laag birchhan kai pati murjhani.
chhak chhak chhak chhak barsa pani.
paratai pani dharti sonhan, pota chulha as mahak uthi,
jab chui orauni dhaar bandhi, guDiya ke amma chahak uthi,
balati, karahi, batua, gagra dihin orauni tar lagai,
jaune amrit kai boond kahun kaunau, kaiti se bahi na jai.
larika javan sab jhumi rahe buDhvatr ke jiu kai hairani.
chhak chhak chhak chhak barsa pani.
Dighi tara au taal chanaura sab milke ekabran bhava,
jaise pahli parkha nahin, sangam ka pahila charan bhava,
sab raah gali banjar parti sagrau gaDha gaDhi bharigai,
bharigai jhurii ke bardvan au ramii ke maDhi bharigai.
je jahain raha te tahain magan gyani, bigyani, agyani.
chhak chhak chhak chhak barsa pani.
aapan rasta, aapan samaj, pithi lade aapan joDi,
sahjog sikhavat duniya ka chali pari raam ji kai ghoDi,
sabke man baDhi akas laga, chiuntiu ke pakhna lagi gava,
megha jab bole tarr tarr khisiyai dariddar bhaag gava.
bijuri chamakai tau laga thai jaise ii dharti musukani.
chhak chhak chhak chhak barsa pani.
kalapai lagin dubiya, chakvaD kai biya tare se kasamsan,
jaise murda ki dehi ma amrit paratai jagai paran,
jaD jangam sabke paap taap mahraja innar dhoi rahe,
dharti ke beer sapute kan kan ma jingani boi rahe.
dekhatai dekhatai dharti maiya wo pahiri lihin chunar dhani.
chhak chhak chhak chhak barsa pani.
jan jan mangal, kan kan mangal, mangal ghar ghar angan mangal,
mangal hai sagrau chhai raha, basti basti jangal jangal,
kajri, aalha, bansri, Dhol, lavni, nirauni ke bahar,
je thamai tarak asaDh teen din okar naiya hoi paar.
ii biran kai dharti bhaiya chhati pharai okar chani.
chhak chhak chhak chhak barsa pani.
स्रोत :
पुस्तक : माटी औ महतारी (पृष्ठ 27)रचनाकार : आद्या प्रसाद 'उन्मत्त'
प्रकाशन : अवधी अकादमी
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
