बारहमासा
मास असाढ़ में गइल कवन देसे
सपना पलल अइब
सावन निरमोहिया...
आके गईल सावन
मेहदी झुराइल, लाली नाही आईल हाथे निरमोहिया
कृष्ण जनमले हो हर घर अंगना न
भदही बदरिया चिढ़ावे निरमोहिया
अंगना पितर डोलें जोहत में पूतवा हो
पितर जुड़ इले ना कुआरे निरमोहिया
दीयरी बिना मोर बीतलो में कातिक
पतियो न छठि में पठवल निरमोहिया
अगहन के बरखा में खेतवा जुड़ाइल
बिरहा के बजरा धरवल निरमोहिया
पूस के जाड़ा में कांपत बदनिया
विरहा के चाना चबवइल निरमोहिया
माघ के खिचड़ी तजल तोरी धनिया हो
फागुन बेरंग क गइल निरमोहिया
च इत के कोयली भईली सवतिनिया
अँसुअन के सोरिया धरवल निरमोहिया
जग बइसाख में गंगा जी नहाला
दुखवा के गंगा नहवइल निरमोहिया
जेठ दुपहरिया अस भईल जिनगिया
असाढ़ में सावन ले गईल निरमोहिया
रहिया ताकत बितल चारो रे पहरिया
कवने सुगनिया घरे गइल निरमोहिया
जिनगी अहिल्या अस पाथर परल बा
राम अस असरा धरइत निरमोहिया
नाहीं कहबे अब आव छोड़ि छाड़ सब गोइयां
आवेके रहत काहें जइत निरमोहिया
जीई लेबें खाई लेबें जिनगी बिताई लेबें
एक दिन हरि घर जाबें निरमोहिया
रहीह कुसल जवने देसवा में होईह हो
हमहूं के होस जनि धरीह निरमोहिया
सांच पीरितिया के दिनवा सुहावन
विरहा के जहर त बिखि निरमोहिया
हरि के सरनिया नेहिया लगावत
बिति जाला सबकर दिन निरमोहिया
- रचनाकार : आकृति विज्ञा 'अर्पण’
- प्रकाशन : हिन्दवी के लिए लेखक द्वारा चयनित
हिंदी क्षेत्र की भाषाओं-बोलियों का व्यापक शब्दकोश : हिन्दवी डिक्शनरी
‘हिन्दवी डिक्शनरी’ हिंदी और हिंदी क्षेत्र की भाषाओं-बोलियों के शब्दों का व्यापक संग्रह है। इसमें अंगिका, अवधी, कन्नौजी, कुमाउँनी, गढ़वाली, बघेली, बज्जिका, बुंदेली, ब्रज, भोजपुरी, मगही, मैथिली और मालवी शामिल हैं। इस शब्दकोश में शब्दों के विस्तृत अर्थ, पर्यायवाची, विलोम, कहावतें और मुहावरे उपलब्ध हैं।
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
